ලංකා සතොස හරහා අලෙවි කරන අත්යවශ්ය භාණ්ඩ 12ක මිල අඩු කිරීමට පියවර ගෙන තිබෙනවා. සතොස සභාපති පසඳ යාපා අබේවර්ධන මහතා පවසන්නේ අද සිට ක්රියාත්මක වන පරිදි මෙම මිල සංශෝධනය සිදුකර ඇති බවයි .
ඒ අනුව ලොකු `ඵණු කිලෝවක් රුපියල් 180කටත්, සුදු සීනි කිලෝවක් රුපියල් 216ක් දක්වාත්, රතු පරිප්පු කිලෝවක් රුපියල් 370 දක්වාත් මිල අඩු කර තිබෙනවා.
ඊට අමතරව හාල්මැස්සන් කිලෝවක් රුපියල් 1100 දක්වාත්, පාන්පිටි කිලෝව රුපියල් 235 දක්වාත් පහත දමා ඇති බවයි සභාපතිවරයා පවසන්නේ. මීට අමතරව වියලි මිරිස් කිලෝග්රෑමයක මිල රුපියල් 1730 දක්වා පහත දමා තිබෙනවා.
තවද දේශීය සහල් සහ ආනයනික සහල් වර්ග කිහිපයක මිලද පහත දමා ඇති බවයි සභාපතිවරයා පෙන්වා දෙන්නේ.
