මොනරාගල, කුඹුක්කන ප්රදේශයේදී අද අලුයම සිදුවූ දරුණු රිය අනතුරකින් පුද්ගලයින් පස්දෙනෙකු ජීවිතක්ෂයට පත්ව තිබෙනවා. පොලීසිය පැවසුවේ, වැල්ලවාය – මොනරාගල මාර්ගයේ කුඹුක්කන කළු පාලම මතදී වැල්ලවාය දෙසට ධාවනය වූ ටිපර් රථයක්, ඊට ප්රතිවිරුද්ධ දිශාවෙන් පැමිණි ට්රැක්ටර් රථයක ගැටීමෙන් මෙම අනතුර සිදුව ඇති බවයි. අනතුරින් ට්රැක්ටරයේ ගමන්ගත් පුද්ගලයින් 10 දෙනාගෙන් අටදෙනෙකු බරපතළ තුවාල ලබා මොනරාගල රෝහලට ඇතුළත් කර ඇති අතර, ඉන් පස්දෙනෙකු ප්රතිකාර ලබමින් සිටියදී මියගොස් තිබෙනවා මියගිය පුද්ගලයින් අවුරුදු 21, 26, 31, 55 සහ 56 යන වයස්වල පසුවන දොඩම්ගස්ලන්ද, බුත්තල සහ හොරබොක්ක ප්රදේශවල පදිංචිකරුවන් බවයි පොලීසිය සඳහන් කළේ.
