වාර්ෂික බස් ගාස්තු සංශෝධනයට අනුව අද සිට නව ගාස්තු සංශෝධනය ක්රියාත්මක වනවා.
මෙම ගාස්තු සංශෝධනයට අනුව සියයට 12 සිට සියයට 20 දක්වා ප්රතිශතාත්මකව බස් ගාස්තු ඉහළ දැමීමට ජාතික ගමනාගමන කොමිෂන් සභාව පසුගියදා අනුමැතිය ලබා දුන්නා.
ඒ අනුව මෙතෙක් රුපියල් 30ක්ව පැවති අවම බස් ගාස්තුව රුපියල් 34ක් වන අතර ඊට සමගාමීව සුඛෝපභෝගී බස් රථ ගාස්තුව සහ අධිවේගී මාර්ගවල බස් රථ ගාස්තුව ද ඉහළ දැමීමටයි පියවර ගෙන ඇත්තේ.
ක්රියාත්මක වන නව බස් ගාස්තු සංශෝධනය පිළිබඳව බස් රථ සේවකයින් දැනුවත් කර, ප්රවේශපත්ර යන්ත්ර යාවත්කාලීන කර ගැනීමට ද උපදෙස් ලබාදී තිබෙනවා.
ඒ සම්බන්ධයෙන් අද සිට දිවයින පුරා පරීක්ෂා කිරීමේ කටයුතු ද සිදුකිරීමට නියමිත බවයි ජාතික ගමනාගමන කොමිෂන් සභාව සදහන් කළේ.
කෙසේ වෙතත් ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා සදහන් කළේ ප්රවේශපත් නිකුත් කිරීමේ යන්ත්ර යාවත්කාලීන කිරීමට තවත් දින 2ක් ගත වනු ඇති බවයි. විශේෂ මාධ්ය හමුවක් කැඳවමින් එහි සභාපති ගැමුණු විජේරත්න මහතා සඳහන් කළේ, ගාස්තු පාලනය කිරීම රජය විසින් හිතාමතාම පැහැර හැරිය බවයි. ඒ අනුව ඩීසල් මිල අඩු වූවත් ඉදිරියේදී කෙටිදුර සේවා ගාස්තු අඩු කිරීමට නොහැකි වන බව ද ඔහු අවධාරණය කළා.
