පාර්ලිමේන්තුව අදත් කථානායක වෛද්ය ජගත් වික්රමරත්න මහතාගේ ප්රධානත්වයෙන් ආරම්භ වුණා. ඒ අනුව අද දිනයේදී, පෞද්ගලික මන්ත්රී යෝජනා විවාදයට ගැනීමට නියමිතයි. මේ අතර මෙරට මහා භාණ්ඩාගාරය විදෙස් ණය වාරිකයක් ලෙස ගෙවූ අමෙරිකානු ඩොලර් මිලියන 2.5 ක මුදලක් පරිගණක හැකර්වරු අතට පත්වීමේ සිද්ධිය සම්බන්ධයෙන් රජයේ මුදල් පිළිබද කාරක සභාවේ වාර්තාව අද පාර්ලිමේන්තුවට ඉදිරිපත් කෙරුණා. ඒ රජයේ මුදල් පිළිබද කාරක සභාවේ සභාපති පාර්ලිමේන්තු මන්ත්රී හර්ෂ ද සිල්වා මහතා විසින්.
ඒ අනුව රජයේ මුදල් පිළිබද කාරක සභාවේ එම වාර්තාව පිළිබදව එළඹෙන පාර්ලිමේන්තු සතියේදී දින දෙකක විවාදයක් පැවැත්වීමට විපක්ෂයේ ප්රධාන සංවිධායක පාර්ලිමේන්තු මන්ත්රී ගයන්ත කරුණාතිලක මහතා ඉල්ලීමක් කළා. මේ අතර මෙරට විශ්රාම වැටුප් ලබන විශ්රාමිකයන් සදහා විශේෂ දීමනාවක් ලබා දීමට සලකා බලන බව රාජ්ය පරිපාලන,පළාත් සභා හා පළාත් පලන අමාත්ය මහාචාර්ය ඒ.එච්.එම්.එච්.අභයරත්න මහතා පැවසුවා. දිට්වා සුළි කුණාටුව හේතුවෙන් ආපදාවට ලක්වූ පවුල් සදහා මේ වන විට සහන සලසා දී ඇති බව අග්රාමාත්ය ආචාර්ය හරිනි අමරසූරිය මෙනවිය ප්රකාශ කළා.
