දුම්රිය දෙපාර්තමේන්තුව සතු දුම්රිය එන්ජින් සහ බලවේග කට්ටල සංචිතය අඩුවීම හේතුවෙන් දුම්රිය ගමන්වාර අර්බුදයකට ලක්විය හැකිබව දුම්රිය ස්ථානාධිපතිවරුන්ගේ සංගමය පවසනවා. එම සංගමයේ ලේකම් කසුන් චාමර මහතා ප්රකාශ කළේ 2023 වසර වනවිට 106ක් ලෙස පැවති සමස්ත එන්ජින් සංචිතය මේ වන විට 98ක් දක්වා අඩු වී ඇති බවයි. මෙම තත්ත්වය නිරාකරණය කර පවතින දුම්රිය කාලසටහනට අනුව ධාවන කටයුතු පවත්වාගෙන යාමට බලධාරීන් කඩිනම් පියවර ගත යුතු බව ඒ මහතා වැඩිදුරටත් සඳහන් කළා.
