මේ මස අවසානයේදී දකුණු අප්රිකාවේ ජොහැන්නස්බර්ග් නුවරදී පැවැත්වීමට නියමිත G20 සමුළුව වර්ජනය කරන බවට අමෙරිකානු ජනාධිපති ඩොනල්ඩ් ට්රම්ප් පවසනවා.
දකුණු අප්රිකාව තුල සුදු ජාතිකයින් මහා පරිමාණයෙන් පීඩාවට පත්කරන බවට චෝදනා කරමින් ට්රම්ප් මේ බව නිවේදනය කර තිබුණා.
ලෝකයේ දැවැන්තම ආර්ථිකයන් හි නායකයින් සහභාගි වන මෙවන් දැවැන්ත සමුලුවක් දකුණු අප්රිකාවේ පැවැත්වීම සම්බන්ධවත් ඔහු සිය බලවත් විරෝධය එම නිවේදනය තුලින් පලකර තිබෙනවා.
කෙසේ නමුත් දකුණු අප්රිකානු විදෙස් කටයුතු අමාත්යංශය පවසන්නේ මෙම තීරණය පසුතැවිලි විය හැකි ස්වරූපයේ තීරණයක් බවයි.
එරට විපක්ෂය නියෝජනය කරන සුදු ජාතික හෝ අප්රිකානු කිසිදු දේශපාලන පක්ෂයක් දකුණු අප්රිකාව තුළ ජන සංහාරයක් සිදුවන බවට එල්ලවන චෝදනා පිළිගෙන නොමැති බවයි විදෙස් මාධ්ය වාර්තා කළේ.
එහෙත් දකුණු අප්රිකානු රජය අවධාරණය කරන්නේ තමන් මෙම මතය කිසිසේත් පිළිනොගන්න බවයි.
