මහා මාර්ග අමාත්‍යාංශය යටතේ මෙතෙක් මුදල් ගෙවා නොමැති කොන්ත්‍රාත්කරුවන්ගේ සියලු මුදල් සිංහල අලුත් අවුරුද්දට පෙර ගෙවා නිම කරන බව ප්‍රවාහන අමාත්‍ය බන්දුල ගුණවර්ධන මහතා ප්‍රකාශ කළා.
මග නැගුම, ඉදිකිරීම් හා යන්ත්‍රෝපකරණ සමාගම මගින් සිදු කළ මාර්ග ඉදිකිරීම් ව්‍යාපෘතිවලට සම්බන්ධ ගෙවීම් ප්‍රමාද වී තිබෙන ඉදිකිරීම් සමාගම්වල නියෝජිතයින් පිරිසක් සමග පැවති විශේෂ සාකච්ඡාවකට එක්වෙමින් අමාත්‍යවරයා මේ බව කියා සිටියා.
එහිදි වැඩිදුරටත් අදහස් දැක්වූ අමාත්‍යවරයා කියා සිටියේ ඉදිකිරීම් ඇණහිටිමෙන් සහ හිඟ මුදල් නොලැබීම හේතුවෙන් අපහසුතාවට පත්ව සිටින ඉදිකිරීම් සමාගම්වලට ගෙවිය යුතු මුදල් ගෙවා අවසන් කිරීම සඳහා මහා භාණ්ඩාගාරය මඟින් රුපියල් බිලියන 11.6ක භාණ්ඩාගාර බැදුම්කරයක් ලබා දී තිබෙන බවයි.
එය වට්ටම් කිරීමෙන් අනතුරුව සියලු මුදල් ගෙවීමේ කටයුතු සිදු කිරීමට හැකි බවත් ගෙවීමට ඇති මුදලින් 40%ක කොටසක් අද දිනයේදී සියලු සමාගම් වෙත ගිණුම්ගත කිරීමට කටයුතු කර ඇති බවත් අමාත්‍යවරයා මෙහිදි ප්‍රකාශ කර තිබෙනවා.
