පේරාදෙණිය විශ්වවිද්‍යාලයේ හිටපු උපකුලපති මහාචාර්ය අතුල සේනාරත්න මහතාට හා ඔහුගේ පුත්‍රයාට පහරදීමේ සිද්ධියට අදාළව තවත් සරසවි සිසුන් 04 දෙනෙකු පොලිසිය විසින් අත්අඩංගුවට ගෙන තිබෙනවා.
එම සිසුන් පොලිසිය වෙත භාරවීමෙන් පසු මෙලෙස අත්අඩංගුවට ගෙන ඇති බවයි පේරාදෙණිය පොලිසිය සඳහන් කළේ.
පහර දීමට අදාළව ඊයේ සරසවි සිසුන් 12 දෙනෙකු හඳුනා ගත් අතර ඔවුන්ගේ ශිෂ්‍යභාවය ද අහෝසි කෙරුණා
මේ පිළිබදව අද දිනයේදී පාර්ලිමේන්තු මන්ත්‍රී මහාචාර්ය චරිත හේරත් මහතාද සිය අදහස් දක්වමින් කියාසිටියේ පක්ෂ විපක්ෂ බේදයකින් තොරව අදාළ පහරදීම සම්බන්දයෙන් පරික්ෂණයක් පවත්වන ලෙසයි .
එමෙන්ම මින් ඉදිරියට මෙවෙනි සිදු වීම් ඇති නොවන ලෙස වගබලා ගතයුතු බවද ඒ මහතා අද පාර්ලිමේන්තුවේදී ආණ්ඩුවට අවධාරණය කළා.
මෙහිදී අමාත්‍ය බදුල ගුණවර්ධන මහතා මහාචාර්ය චරිත හේරත් මහතාගේ ප්‍රශ්නයට පිළිතුරු ලබාදෙමින් කියාසිටියේ ජනාධිපති රනිල් වික්‍රමසිංහ මහතා විසින් අදාළ සිදු වීම සම්බන්දයෙන් කඩිනම් පරීක්ෂණයක් ඉල්ලා ඇති බවයි .
මේ අතර අද පාර්ලිමේන්තුවේදී එස් බි දිසානායක මහතාද මේ සමබන්ධයෙන් අදහස් පල කළා
