ලංකා ඛනිජ තෙල් නීතිගත සංස්ථාව විසින් පාලනය කරන ඉන්ධන පිරවුම්හල් 101 ක ප්රමාණවත් තොග පවත්වාගෙන යාමට අවශ්ය ඉන්ධන ඊයේ දිනයේ ඇණවුම් කර නොමැති බව බලශක්ති අමාත්යාංශය පවසනවා.
ඉන්ධන මිල සංශෝධනයක් බලාපොරොත්තුවෙන් ඔවුන් මෙලෙස කටයුතු කර ඇති බවයි වාර්තාවන්නේ.
නිසිපරිදි ඉන්ධන තොග පවත්වාගෙන යාමට අපොහොසත් වූ ඉන්ධන පිරවුම්හල් කීපයක පාලනය ලංකා ඛනිජ තෙල් නීතිගත සංස්ථාව යටතට ගැනීමට සහ අනෙකුත් පිරවුම්හල්වලට එරෙහිව අවශ්ය නීතිමය පියවර ගැනීමට පසුගිය මස කටයුතු කර තිබෙනවා.
ඒ අනුව නිසියාකාරව අවශ්ය අවම ඉන්ධන තොග පවත්වාගෙන යාමට අවශ්ය ඇණවුම් සිදු කරන ලෙස සියලුම ඉන්ධන පිරවුම්හල් හිමියන්ගෙන් ඉල්ලා සිටින බවයි විදුලිබල හා බලශක්ති අමාත්යංශය සඳහන් කරන්නේ.
එමෙන්ම අවශ්ය ප්රමාණවත් ඉන්ධන තොග ලංකා ඛනිජ තෙල් සංස්ථාව සතු බවත් එම අමාත්යාංශය වැඩිදුරටත් සඳහන් කළා.
