සීනි අන්තර්ගත දියර ආහාර සඳහා වර්ණ සංකේත ලේබල් කිරීමේ නියෝග
සංශෝධනය කරමින් අතිවිශේෂ ගැසට් නිවේදනයක් නිකුත් කර තිබෙනවා.
ඒ සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා විසින්.
නව සංශෝධන අනුව, සීනි අන්තර්ගත දියර ආහාරවල ඇසුරුම් මත
ප්රදර්ශනය කළ යුතු රතු, ඇම්බර් සහ කොළ වර්ණ සංකේත ලාංඡනවල
සැලසුම සහ ප්රදර්ශන ආකාරය පිළිබඳ නව නියමයන් හඳුන්වා දී තිබෙනවා.
එමෙන්ම, වීදුරු බෝතල්වල ඉඩකඩ සීමිත අවස්ථාවල භාවිත කළ හැකි
විකල්ප ලාංඡනයක් ද හඳුන්වා දී ඇති බව සඳහන්.
මෙම සංශෝධන මඟින් ”ව්යාපාරයකින් ව්යාපාරයකට” සැපයෙන ආහාර
නිෂ්පාදන සඳහා ද නව අර්ථ නිරූපණයක් ඇතුළත් කර තිබෙනවා.
එවැනි නිෂ්පාදන සෘජුව පාරිභෝගිකයන්ට අලෙවි නොකර තවදුරටත්
සැකසුම්, පිළියෙළ කිරීම හෝ නැවත විකිණීම සඳහා පමණක් භාවිත කරන
ආහාර ලෙස අර්ථ දක්වා තිබෙනවා.
