ඩෙංගු සහ වෛරස් උණ ව්‍යාප්තිය හේතුවෙන් කොළඹ සෞන්දර්ය කලා විශ්වවිද්‍යාලය සති දෙකක කාලයක් සඳහා තාවකාලිකව වසා දැමීමට තීරණය කර තිබෙනවා.
ඒ අනුව, විශ්වවිද්‍යාලයේ සියලු අධ්‍යයන කටයුතු, විභාග සහ නේවාසිකාගාර වහාම ක්‍රියාත්මක වන පරිදි තාවකාලිකව වසා දමා ඇති බවයි විශ්වවිද්‍යාල ප්‍රතිපාදන කොමිෂන් සභාවේ සභාපති මහාචාර්ය කපිල සෙනෙවිරත්න මහතා පැවසුවේ.
විශ්වවිද්‍යාලය යළි විවෘත කිරීමට නියමිතව ඇත්තේ ජූලි 13 වැනිදා බවයි ඔහු වැඩිදුරටත් සඳහන් කළේ.
