ඊශ්රායල හිස්බුල්ලා සටන් විරාමය අතරතුරදී ඇමරිකාව විසින් ඩොලර් මිලියන 680 ක ආයුධ ඊශ්රායලයට විකිණීමට එකඟ වී තිබෙනවා.
ලෙබනනයේ සටන් විරාමය මෙන්ම ගාසා තීරයේ ද සටන් විරාමයක් ඇති කිරීමට ඇමරිකාව පොරොන්දු වී තිබියදී මෙම අනුමැතිය ලැබීම ද විශේෂත්වයක්.
අමෙරිකා ජනාධිපති ජෝ බයිඩන්ගේ පරිපාලනය ඊශ්රායලයට ඩොලර් මිලියන 680ක අවි පැකේජය මත අනුමත කර ඇත්තේ තාවකාලිකව බව ද වාර්තා වනවා.
මෙම ආයුධ පැකේජය ලබාදීම පිළිබඳ යෝජනාවට අනුමැතිය ලබා ගැනීම සඳහා මාස ගණනාවක් ගතව තිබූ අතර පසුගිය සැප්තැම්බර් මාසයේදී කොංග්රස් කමිටුව විසින් එය පුළුල් ලෙස සමාලෝචනය කර තිබෙනවා.
එම සමාලෝචනයට අනුවයි මෙම අනුමැතිය ලැබී ඇත්තේ.
එම යෝජනාව අනුව කුඩා බෝම්බ සිය ගණනක් සහ ප්රහාරක යුධෝපකරණ කට්ටල දහස් ගණනක් ද ඊට ඇතුළත් වන බවයි විදෙස් මාධ්ය සදහන් කළේ.
