අපරාධ පරීක්ෂණ දෙපාර්තමේන්තුවේ අධ්‍යක්ෂ, ජ්‍යේෂ්ඨ පොලිස් අධිකාරි ශානි අබේසේකර මහතා නියෝජ්‍ය පොලිස්පති ධුරයට උසස් කර තිබෙනවා. ඒ මහතා නියෝජ්‍ය පොලිස්පති තනතුරට උසස් කිරීමට, පරිපාලන අභියාචනාධිකාරීය පසුගියදා නියෝග කර තිබූ අතර, එම නියෝගය ඉකුත් මැයි 13වනිදා ජාතික පොලිස් කොමිෂන් සභාව වෙත දැනුම් දී තිබුණා. එම නියෝගයට අනුව අගෝස්තු මස 25 සිට බලපැවැත්වෙන පරිදි මෙම උසස්වීම් ලබාදීමට නිර්දේශ කර තිබෙනවා. 2020 වසරේ ජූලි මාසයේදී ශානි අබේසේකර මහතා අත්අඩංගුවට ගැණුනු අතර, මාස 11ක කාලයක් රක්ෂිත බන්ධනාගාර ගතව සිටීමට ඔහුට ද සිදුුවුණා. පසුව අභියාචනාධිකරය විසින් ඔහු ඇප මත මුදා හරිනු ලැබුවා. කෙසේ වෙතත් 2024 වසරේදී 3/2018 චක්‍ර ලේකයේ ප්‍රතිපාදන අනුව යළි සේවයේ පිටවූ ශානි අබේසේකර මහතා, අනතුරුව අපරාධ පරීක්ෂණ දෙපාර්තමේන්තුවේ අධ්‍යක්ෂවරයා ලෙස පත් කරනු ලැබුවාා
