වෙනදා අපිට සහනාධාර හම්බුනේ බංඩි පොහොර ගහන කාළයේදී වෙනුවට මේ සැරේ මූලික පොහොර ටික ගහගෙන ස්ථීර සාර වගා බිමකට යන්න, ගොවිතැනකට යන්න අපිට අවස්ථාව හදලා දෙන්න .බඩඉරඟු හදන ගොවියෝ, එළවලු හදන ගොවියෝ, ගස්ලබු හදන ගොවියෝ, පළතුරු වගා කරන ගොවියෝ, දැන් මේ ගොල්ලන්ට කවුද පොහොර දෙන්නේ.ඇයි මේ ගොල්ලන්ට සහනාධාරය දෙන්නේ නැත්තේ, ඇයි මේ ගොල්ල ගොවියෝ නෙමෙයිද ඒ අය මහන්සි වෙලා නෙමෙයිද ඒ ආදායම හොයන්නේ.විශේෂයෙන්ම ගොවිතැනට අවශ්යය බඩඉරඟුද, කෙසෙල්ද, පේරද, රඹුටන්ද කියන්නේ නැතිව මේ මිනිස්සුන්ගේ දහඩියට වටිනාකමක් දෙන්න,යැයි මහවැලි එච් කළාපයේ ගොවි සංවිධාන නියෝජිතයින් පිරිසක් මාධ්ය හමුවක් කැඳවමින් පැවසීය.
එහිදී අදහස් දැක්වූ මහවැලි එච් කළාපයේ, 403-D 1 ගොවි සංවිධානයේ හිටපු සභාපති, ව්යාපාර කමිටු හිටපු සාමාජික අතුල දිසානායක මහතා,
2024-2025 මාස් කන්නයට ගොවිතැන් ආරම්භ කිරීමට අපි දැන් සූදානම් වෙමින් සිටිනවා, මේ වන විට මහා වාරී වන නුවර වැව වැනි ජලාශ වලින් 05 වැනිදාට ජලය නිකුත් කිරීමට සූදානමින් සිටිනවා, ඒවායේ කන්න රැස්වීම් ඉවර කරලා තියෙනවා.මේ වන විට ගොවියෝ සූදානමින් සිටිනවා ගොවිතැනට මුහුණ දෙන්න.හැබැයි මේ අතර තුර අපිට මාධ්ය මගින් අහන්න දකින්න ලැබෙන දෙයක් තමයි ජනාධිපති අනුර දිසානායක මහතා පොහොර සඳහා රුපියල් 25 000 ක් ලබා දෙන බවට විශේෂ නිවේදනයක් නිකුත් කරලා තියෙනවා.ඒත් සමඟ මැතිවරණ කොමිසමෙන් එය ඡන්ද පොරොන්දුවක් සේ සලකලා රුපියල් 10 000 ක් හා 15 000 ක් ලෙස ඒක වර්ග කිරීමකින් යුතුව මේ 25 000 ක මුදල එකවර දීම අත්හිටුවලා තියෙනවා. හැබැයි අපි තේරුම් ගන්න ඔ්න කාරණයක් තියෙනවා, අපි ජනාධිපතිවරණය පහු කෙරුවා, දැන් අපි මහ මැතිවරණයකට මුහුණ දෙමින් ඉන්නවා, ඊළඟට ගරු අධිකරණයෙන් නියෝගයක් තියෙනවා ප්රාදේශීය සභා මැතිවරණය තියන්න කියලා, ඒ වගේම පළාත් සභා මැතිවරණය දැන් අවුරුදු ගණනක් තිස්සේ සඟවලා තබා ගෙන ඒ පරණ පාලකයෝ කියපු එක වෙනස් කරනවා කියන පදනම අද වර්ථමාන ජනාධිපතිතුමාගේ තියෙනවා.එතකොට මේ සියලු වියදම්, මේ සියලු චක්රලේඛණ ඉවර කරලාද අපිට ගොවිතැන් කරන්න කියන්නේ. අපි ගොවිතැන් කරන්නේ කන්නයට. සාමාන්යයෙන් ඔක්තොම්බර් මාසයේ අපිට වර්ෂාපතනය ලැබෙනවා, එතකොට මහවැලි එච් කළාපයේ වගේ නම් නොවැම්බර් මාසයේ , දෙසැම්බර් මාසයේ වගාව පිහිටුවනවා
