විශ්වවිද්‍යාල ආචාර්යවරුන්ගේ සම්මේලනයේ කෘත්‍යාධිකාරී මණ්ඩල රැස්වීමක් ලබන මස පස් වනදා කොළඹදී පැවැත්වීමට තීරණය කර ඇති බව විශ්ව විද්‍යාල ආචාර්යවරුන්ගේ සමිති සම්මේලනය පවසනවා.
මෙම හමුව පැවැත්වීමට තීරණය කර ඇත්තේ මෙතෙක් විසදුම් ලැබී නොමැති තම ප්‍රශ්නවලට අදාළව දැඩි වෘත්තීය ක්‍රියාමාර්ගයකට අවතීර්ණ වීම පිලිබදව සාකච්චා කිරීම සදහායි.
එම සම්මේලනයේ සභාපති මහාචාර්ය බරණ ජයවර්ධන මහතා සදහන් කළේ, විශ්ව විද්‍යාලවලට අවශ්‍ය තරම් ප්‍රතිපාදන නොමැති වීමත්, පර්යේෂණ සඳහා අවශ්‍ය රසායන ද්‍රව්‍ය නොලැබීමත් යන හේතු මත විශ්වවිද්‍යාල ආචාර්යවරුන් දැඩි කලකිරීමට පත්ව ඇති බවයි.
ආචාර්යවරුන් 2,500කට වැඩි ප්‍රමාණයක් 2020 වසරේ සිට මේ දක්වා රට හැරගොස් ඇති බවත් මහාචාර්යවරයා මෙහිදී සඳහන් කළා.
