පවතින වියළි කාලගුණය හේතුවෙන් පීඩාවට පත් වූ පුද්ගලයින් සංඛ්යාව තවදුරටත් ඉහළ ගොස් ඇතැයි ආපදා කළමනාකරණ මධ්යස්ථානය පවසනවා.
ඒ අනුව පීඩාවට පත් වූ පුද්ගලයින් සංඛ්යාව 93,171 ක් දක්වා ඉහළ ගොස් ඇති බවයි එම මධ්යස්ථානය පැවසුවේ.
වියළි කාලගුණය හේතුවෙන් දිස්ත්රික්ක 7 කට බලපෑම් එල්ල වී තිබෙනවා.
මේ අතර රත්නපුරය, ත්රිකුණාමලය, කුරුණෑගල, පුත්තලම, යාපනය, මන්නාරම සහ බදුල්ල දිස්ත්රික්කවල පවුල් රැසක් පානීය ජල අර්බුදයෙන් පීඩාවට පත්ව ඇති බව සඳහන්.
කෙසේ වෙතත් මධ්යම කඳුකරයේ බටහිර බෑවුම් ප්රදේශවලට පසුගිය දින කිහිපය තුළ පැවති අධික වියළි කාලගුණික තත්ත්වය අවසන් කරමින් ඊයේ පස්වරුවේ කැළණි ගඟේ ඉහළ ජලපෝෂක ප්රදේශවලට තද වැසි ඇති වී තිබෙනවා.
එමෙන්ම හදිසියේ බිඳ වැටුණු නොරොච්චෝලේ ලක්විජය බලාගාරයේ විදුලි ජනන යන්ත්රය යථා තත්ත්වයට පත් කිරීම සඳහා තවත් දින 8 ක් පමණ ගත වන බව විදුලිබල මණ්ඩලය පවසනවා.
කෙසේ වෙතත් මෙම තත්ත්වය හමුවේ වුවද අඛණ්ඩ විදුලි සැපයුමකට බාධාවක් නොමැති බවයි ලංකා විදුලිබල මණ්ඩලය පවසන්නේ.
