පානදුර වලාන ප්රදේශයේදී ලොරි රථයක් පෙරලී යාමෙන් කුඩා දරුවන් තිදෙනකු ඇතුළු දස දෙනකු තුවාල ලබා රෝහල් ගත කර තිබෙනවා.
ඔවුන් වෙසක් සිරි නරඹා නැවත පැමිණෙමින් සිටි පිරිසක් බවයි පානදුර දකුණ පොලිසිය සදහන් කලේ.
මෙම අනතුර අද අළුයම 5.45 ට පමණ සිදුව ඇති අතර තුවාල ලැබූවන් අතරින් සිව් දෙනකුගේ තත්ත්වය බරපතල බව වාර්තා වනවා.
අදාළ අනතුර සිදු වන අවස්ථාවේදී එම රථයේ පුද්ගලයන් 17 දෙනකු ගමන් කර ඇති බවයි පොලිසිය පැවසුවේ.
කොළඹ ප්රදේශයේ වෙසක් නැරඹීමෙන් පසු මතුගම බලා යාම සඳහා පානදුර දිශාවට පැමිණෙමින් සිටි මෙම රථය අඩි තිහක් පමණ උසකින් යුතු විදුලි කණුවක සහ යකඩ වැටක ගැටි පෙරළීමෙන් එම අනතුර වී ඇති බව මුලික පොලිස් විමර්ශනවලදී අනාවරණය වී තිබෙනවා.
මේ අතර යාපනය වැල්වෙට්ටිතුරෙයි මුත්තුමාරී අම්මාන් කෝවිලේ පුජාවක් අතරතුර දී ගුවන් ගතකරන ලද බැලුනයක් ගිනිගෙන නිවසක් මතට කඩා වැටී තිබෙනවා.
එම බැලුනය පේදුරුතුඩුව ප්රදේශයේ නිවසකට කඩා වැටී ඇති අතර එම නිවසද ගිනිගෙන ඇති බවයි වාර්තාවන්නේ.
වැලිවෙට්ටිතුරෙයි පොලිසිය මේ සම්බන්ධයෙන් වැඩිදුර විමර්ශන මෙහෙයවනවා.
