ලෝක මුඛ සෞඛ්‍ය දිනය අදට යෙදී තිබෙනවා.
“මුව සුව අභිමන් විඳින්න – දිවි ඇති තෙක් සිනා සෙන්න” මෙවර එහි තේමාව වී තිබෙනවා.
මෙරට ජනගහනයෙන් සියයට 50 කට ආසන්න පිරිසක් යම් මුඛ රෝගයකට ගොදුරු වී ඇති බව දන්ත වෛද්‍ය සේවා නියෝජ්‍ය අධ්‍යක්ෂ ජනරාල් වෛද්‍ය ආනන්ද ජයලාල් මහතා පවසනවා.
ජාතික මුඛ සෞඛ්‍ය සංගනනයකට අනුව මෙරට ජනතාව අතර බහුලව පවතින්නේ දත් දිරා යාමේ රෝගය බවටයි ඔහු කියා සිටියේ.
එමෙන්ම මුඛ පිළිකා හේතුවෙන් දෛනිකව වාර්තා වන මරණ සංඛ්‍යාව 3 ක් දක්වා ඉහළ ගොස් ඇති බවද දන්ත වෛද්‍ය සේවා නියෝජ්‍ය අධ්‍යක්ෂ ජනරාල් වෛද්‍ය ආනන්ද ජයලාල් මහතා පවසනවා.
මේ ඒ පිළිබද වැඩිදුරටත් අදහස් පළ කළ වෛද්‍ය ආනන්ද ජයලාල් මහතා.
