විදෙස් රටක රැකියාවක් ලබාදෙන බව පවසමින් නෝර්ටන් බි්‍රජ් ප්‍රදේශයේ පුද්ගලයෙකුගෙන් රුපියල් ලක්ෂ 12ක මුදලක් ලබාගෙන වංචා කිරීමක් සම්බන්ධයෙන් කඳුරුවෙල ප්‍රදේශයේ පුද්ගලයෙකු හැටන් පොලිසියේ විශේෂ පොලිස් කණ්ඩායමක් විසින් අත්අඩංගුවට ගෙන තිබෙනවා.
ඒ නෝර්ටන් බි්‍රජ් පොලිසිය වෙත අදාළ සිද්ධිය සම්බන්ධයෙන් ලද පැමිණිල්ලක් මත කරන ලද පරීක්‍ෂණයකින් අනතුරුවයි.
අදාළ පරීක්‍ෂණ මත එම මුදල ලබාගත් හැටන් ඩන්බාර් ප්‍රදේශයේ පුද්ගලයෙකු මින් පෙර අත්අඩංගුවට ගෙන කරන ලද පරීක්‍ෂණ මත එම මුදල් ලබාගෙන ඇති කඳුරුවෙල ප්‍රදේශයේ පුද්ගලයෙකුද අත්අඩංගුවට ගත් බවයි පොලිසිය පවසන්නේ.
මෙලෙස අත්අඩංගුවට ගැනුණු පුද්ගලයා හැටන් දිසා හා මහේස්ත්‍රාත් අධිකරණය වෙත ඉදිරිපත් කිරීමට පියවර ගන්නා බවයි හැටන් පොලිස් අධිකාරී ප්‍රදීප් වීරසේකර මහතා කියා සිටියේ.
සිද්ධිය ස්මබ්නධයෙන් වැඩිදුර විමර්ශන ක්‍රියාත්මකයි.
