සංචාරක ඉන්දීය කණ්ඩායම සමග පැවැත්වෙන ක්රිකට් තරගාවලිය සදහා වන ශ්රී ලංකා සංචිතයේ වෙනස්කම් කිහිපයක් සිදු කිරීමට නියමිත බව වාර්තා වනවා.
ඒ අනුව මෙවර ඛඡඛ තරගවාලියේ දී දක්ෂතා දැක් වූ බිනුර ප්රනාන්දු, දිනේෂ් චන්දිමාල්, අවිශ්ක ප්රනාන්දු හා කුසල් ජනිත් පෙරේරා යළි සංචිතයට කැදවීමටයි පියවර ගෙන ඇත්තේ.
නවක ක්රීඩක චමිදු වික්රමසිංහ ද මෙවර ලංකා ප්රිමියර් ලීග් තරගාවලියේ දී ඉහළ දක්ෂතා දැක් වූ බැවින් ඔහු ද සංචිතය සදහා නම් කිරීමට පියවර ගෙන ඇති බවයි වාර්තා වන්නේ .
කෙසේ වෙතත් පසුගිය විස්සයි 20 ලෝක කුසලාන තරගාවලිය සදහා වූ ශ්රී ලංකා සංචිතයට ඇතුළත්ව සිටි ඩිල්ෂාන් මදුෂංක, ඇන්ජෙලෝ මැතිව්ස්, සධීර සමරවික්රම හා ධනංජය ද සිල්වාට සංචිතයේ ස්ථාන අහිමි වී ඇති බව සදහන්.
දෙරට අතර පැවැත්වෙන විස්සයි 20 තරගාවලිය ලබන 27 වනදා පල්ලේකැලේ ක්රීඩාංගනයේ දී ආරම්භ වනවා .
අගෝස්තු 2 වනදා දෙරට අතර එක්දින තරගාවලිය ආරම්භ වන්නේ කොළඹ ආර්. ප්රේමදාස ක්රීඩාංගනයේ දීයි .
