ගෝලීය තරගකාරී ජාතික කර්මාන්ත පදනමක් මෙරට තුළ ඇති කිරීම වෙනුවෙන් 2023- 2027 කාලය දක්වා වන පස් අවුරුදු උපාය මාර්ගික සැලැස්ම ද සහිත “ජාතික කර්මාන්ත ප්රතිපත්තිය” සකස් කර ජාතික ක්රමසම්පාදන දෙපාර්තමේන්තුව වෙත මේ වන විට ඉදිරිපත් කර ඇති බව කර්මාන්ත අමාත්යාංශයේ ලේකම් ශාන්ත වීරසිංහ මහතා පැවසීය.
එමඟින් 2030 වසර වන විට දළ දේශීය නිෂ්පාදිතයට නිෂ්පාදන කර්මාන්ත අංශයේ දායකත්වය16% සිට 20% දක්වා ඉහළ නැංවීම, ශ්රම බලකායට වන ව්යවසායකත්ව දායකත්වය 2.8% සිට 7% දක්වා ඉහළ නැංවීම, මෙන්ම දළ දේශීය නිෂ්පාදිතයෙහි කාර්මික අපනයනයන්ගේ දායකත්වය 14% සිට 20% දක්වා ඉහළ නැංවීමද ඉලක්ක කර තිබෙන බව ඒ මහතා සඳහන් කළේය.
කර්මාන්ත අමාත්යාංශයේ ලේකම් ශාන්ත වීරසිංහ මහතා මේ බව සඳහන් කර සිටියේ ‘දෙවසරක ප්රගතිය සහ ඉදිරිය’ යන මැයෙන් අද (31) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමිනි.
වර්තමානයට මෙන්ම අනාගතයටද ගැළපෙන පරිදි කර්මාන්ත ප්රවර්ධන පනත සංශෝධනය සඳහා අවසන් කොටුම්පතද නීතිපති දෙපාර්තමේන්තුවේ අනුමැතිය සඳහා ඉදිරිපත් කර ඇති බවද ඔහු සඳහන් කළේය.
