උතුරු හා නැගෙනහිර පළාත් දෙක තුළ පූර්ණ හර්තාලයක් ප්‍රකාශයට පත් කිරීමට යාපනය විශ්වවිද්‍යාලයේ සිසුන් කටයුතු කොට තිබෙනවා.
ඒ අනුව පෙබරවාරි 4 වැනි දා පූර්ණ හර්තාලයක් ක්‍රියාත්මක වන බැවින් උතුරු හා නැගෙනහිර පළාත් දෙක තුළ සියලු කටයුතු නවතා දැමිය යුතු බවයි යාපනය විශ්වවිද්‍යාලයේ මහා ශිෂ්‍ය සංගමය නිවේදනය කර ඇත්තේ.
එසේ ම ජාතික නිදහස් දින උළෙල පැවැත්වෙන එදින එයට විරෝධය පළ කිරීමක් ලෙස සියලු ම වෙළෙඳසැල් වසා දමා ඒවායේ කළු කොඩි ඔසවන ලෙසද යාපනය විශ්ව විද්‍යාලයේ මහා ශිෂ්‍ය සංගමය ජනතාවගෙන් ඉල්ලා සිටිනවා.
තව ද ජාතික නිදහස් දිනයට එරෙහිව උතුරු නැගෙනහිර පළාත්වල විරෝධතා පෙළපාලි රැසක් සංවිධානය කොට ඇති අතර නිදහස් දිනය දා යාපනයේ සිට මඩකලපුව දක්වා විරෝධතා පාගමනක් පැවැත්වීමටද කටයුතු ආරම්භ කරඇති බවයි වාර්තා වනවා.
