දිවයින පුරා ග්රාමීය ජනතාව දෛනික ගමනාගමනයේ දී මුහුණපාන බාධාවන්ට අදාල යටිතල පහසුකම් සංවර්ධනය කිරීම උදෙසා විශේෂ ව්යාපෘතියක් අද සිට ආරම්භ කිරීමට නියමිතයි. ඒ රාජ්ය පරිපාලන, පළාත් සභා සහ පළාත් පාලන අමාත්යාංශය විසින් ක්රියාත්මක පුනරුදයේ පුරවර ජාතික වැඩසටහන යටතේයි. වත්මන් රජය බලයට පත්වූ විගස රාජ්ය පරිපාලන, පළාත් සභා සහ පළාත් පාලන අමාත්යාංශය මේ පිළිබඳව විශේෂ අවධානයක් යොමුකර මෙසේ සංවර්ධනය කළ යුතු ග්රාමීය පාලම් පිළිබඳ වාර්තාවක් දිවයිනේ සියලුම පළාත් පාලන ආයතන මට්ටමින් ලබා ගෙන තිබුනා. ඒ අනුව මෙය සිව් අවුරුදු ව්යාපෘතියක් ලෙස ක්රියාත්මක කිරීම සඳහා පාලම් 881ක් තෝරාගනු ලැබුවා . ඒ වෙනුවෙන් 2026 වසර සඳහා වූ අය වැය මගින් ඊට අදාළ ප්රතිපාදන වෙන් කර තිබෙනවා.
මෙහි පළමු අදියර ලෙස රුපියල් මිලියන 1,050ක වියදමින් ග්රාමීය පාලම් 100කට වැඩි සංඛ්යාවක් සංවර්ධනය කෙරෙනු ඇති. එම පාලම්වල ඉදිකිරීම් ආරම්භ කිරීම අද දිවයින පුරා අදාළ ස්ථානවලදී සිදු කරනවා. ඒ යටතේ ප්රධාන සමාරම්භක උත්සවයන් දිවිත්වය රාජ්ය පරිපාලන, පළාත් සභා සහ පළාත් පාලන අමාත්ය මහාචාර්ය චන්දන අබයරත්න මහත්මාගේ ප්රධානත්වයෙන් පැවැත්වෙන්නේ කුරුණෑගල, රිදීගම ප්රදේශයේදීයි. පළාත් සභා සහ පළාත් පාලන නියෝජ්ය අමාත්ය රුවන් සෙනරත් මහත්මාගේ ප්රධානත්වයෙන් හම්බන්තොට, සූරියවැව ප්රදේශයේදී ද තවත් ව්යාපෘතියක් ආරම්භ වනු ඇති.
