රාජ්ය මුදල් කාරක සභාවේ නව සභාපතිවරයා ලෙස සමගි ජන බලවේගයේ පාර්ලිමේන්තු මන්ත්රි මයන්ත දිසානයක මහතා පත් කර තිබෙනවා.
ඒ, අද දහවල් රැස්වු තේරීම් කාරක සභාවේ දීයි.
මෙම තනතුර සඳහා සමගි ජන බලවේගය විසින් පාර්ලිමේන්තු මන්ත්රී ආචාර්ය හර්ෂ ද සිල්වා මහතාගේ නම යෝජනා කර තිබුණා.
කෙසේ වෙතත් එහි බහුතරය හිමි ආණ්ඩු පක්ෂය පාර්ලිමේන්තු මන්ත්රි මයන්ත දිසානායකගේ නම යෝජනා කළ බවයි විපක්ෂයේ ප්රධාන සංවිධායක පාර්ලිමේන්තු මන්ත්රී ලක්ෂ්මන් කිරිඇල්ල මහතා සදහන් කළේ.
පාර්ලිමේන්තුවේ වාරාවසාන කිරීමට පෙර එම කමිටුවේ සභාපති ලෙස ආචාර්ය හර්ෂ ද සිල්වා මහතා කටයුතු කරනු ලැබුවා.
මේ අතර තමන් එම ධුරයෙන් ඉවත් කිරීම පිළිබඳ පාර්ලිමේන්තු මන්ත්රී හර්ෂ ද සිල්වා මහතා මාධ්ය නිවේදනයක්ද නිකුත් කර තිබෙනවා.
මුදල් කාරක සභාව යනු පාර්ලිමේන්තුවේ ඇති වැදගත්ම කාරක සභාව වන අතර පාර්ලිමේන්තුවට තිබෙන මුදල් බලය ක්රියාත්මක කිරීමේ අවසරය හිමිවන්නේ මෙම කාරක සභාවටයි.
මෙම කාරක සභාවේ තිබෙන වැදගත්කම පිළිබඳව තමා තුළ ගැඹුරු අවබෝධයක් තිබුණු බවත් තමන් මුදල් කාරක සභාවේ සභාපතිවරයා වූ පසුව කිසිදු යෝජනාවක් විශ්ලේෂණාත්මකව ඉදිරිපත් කිරීමට අපොහොසත් වූ විටෙක එම යෝජනා අනුමත කිරීමට කටයුතු සිදු නොකළ බවයි මන්ත්රීවරයා පෙන්වා දෙන්නේ.
කැසිනෝ නියාමන අධිකාරියක් පිහිටවිය යුතු බවද ආයෝජන මණ්ඩලය විසින් මහා පරිමාණ ව්යාපෘති සඳහා බදු සහන ලබාදෙන විට එයින් රටට ලැබෙන වාසිය ගණනය කර විශ්ලේෂණාත්මකව ඉදිරිපත් කරන්නැයි තමා අවධාරණය කළ බවද ඒ මහතා පෙන්වා දෙනවා.
එසේ කරන තුරු මුදල් කාරක සභාව එම යෝජනා අනුමත නොකළ අතර මෙය පාර්ලිමේන්තුවේ ඇතැම් පිරිසට ඉමහත් ගැටලුවක්ව තිබු බව තමන්ව එම ධුරයෙන් ඉවත් කිරීම තුලින් මනාව පැහැදිලි වන බවයි ඒ මහතා පවසන්නේ.
කෙසේ වෙතත් මේ තුලින් තමන් අන් කවරදාටත් වඩා ශක්තිමත්ව නැගී සිටින බවයි ඒ මහතා තම නිව්දනය මගින් පෙන්වා දෙන්නේ.
මේ අතර පොදු ව්යාපාර පිළිබඳ කාරක සභාවට ද නව සභාපතිවරයෙක් පත් කර තිබෙනවා.
ඒ, අනුව පාර්ලිමේන්තු මන්ත්රි මහාචාර්ය රංජිත් බණ්ඩාර පොදු ව්යාපාර පිළිබඳ කාරක සභාවේ (COPE) සභාපති ධුරයට පත් කර ඇති බවයි වාර්තා වන්නේ.
2022 වසරේදී ද ඔහු කෝප් කමිටුවේ සභාපතිවරයා ලෙස කටයුතු කර තිබුණා.
