හිටපු ජනාධිපති රනිල් වික්රමසිංහ මහතාගේ බිරිඳ වන මහාචාර්ය මෛත්රී වික්රමසිංහ මහත්මියට අපරාධ පරීක්ෂණ දෙපාර්තමේන්තුවේ මූල්ය අපරාධ විමර්ශන කොට්ඨාසය හමුවේ අද(20) දිනයේ පෙනී සිටීමට නොහැකි බවට දැනුම් දී ඇති බව වාර්තා වනවා.
මින් පෙර වාර්තා වූයේ මෛත්රී වික්රමසිංහ මහත්මියට අද(20) දිනයේදී මූල්ය අපරාධ විමර්ශන කොට්ඨාසය හමුවේ පෙනී සිටින ලෙසයි.
සෞඛ්ය හේතූන් මත පැමිණිය නොහැකි බවට මහාචාර්ය මෛත්රී වික්රමසිංහ මහත්මිය විසින් ලිපියක් මගින් දැනුම්දී ඇති බවටයි වාර්තා වන්නේ.
එම නිසා ඇය තවත් සති දෙකක කාලයක් ඉල්ලා ඇති බවට වාර්තා වනවා.
හිටපු ජනාධිපති රනිල් වික්රමසිංහ මහතා එංගලන්තයේ සිදු කළ පෞද්ගලික සංචාරයක් සඳහා රුපියල් ලක්ෂ 166කට අධික රජයේ මුදල් අවභාවිතා කිරීම සම්බන්ධයෙන් සිදු කෙරෙන විමර්ශනයට අදාළව ප්රකාශයක් සටහන් කර ගැනීමට මහාචාර්ය මෛත්රී වික්රමසිංහ මහත්මියට මෙලෙස කැඳවීමක් කර තිබෙනවා.
