2026 ජනවාරි සිට ජුනි මාසය දක්වා වූ කාලය තුළ මදුරුවන් බෝවීමට හිතකර තත්ත්වයන් පවත්වා ගෙන යාම සම්බන්ධයෙන් අධිකරණයන්හි නඩු 4,672ක් පැවරීමට කටයුතු කර ඇති බව පොලීසිය පවසනවා. ඒ අනුව ඩෙංගු රෝග ව්‍යාප්තිය මැඩපැවැත්වීම සඳහා සෞඛ්‍ය අමාත්‍යාංශය, මහජන සෞඛ්‍ය පරීක්ෂකවරුන් හා ශ්‍රී ලංකා පොලිසිය ඒකාබද්ධව විශේෂ ඩෙංගු මර්දන වැඩසටහන් දිවයින පුරා ක්‍රියාත්මක කර ඇති බවයි වාර්තා වන්නේ. පොලිස් මාධ්‍ය කොට්ඨාසය නිවේදනයක් නිකුත් කරමින් පෙන්වා දෙන්නේ, මදුරුවන් බෝවන පරිදි පරිශ්‍රයන් පවත්වා ගන්නා පුද්ගලයන්ට එරෙහිව දණ්ඩ නීති සංග්‍රහයේ 262 වන වගන්තිය ප්‍රකාරව අධිකරණයේ නඩු පවරන බවයි.
