විදෙස් රටක නිෂ්පාදිත පිස්තෝලයක් සමග සැකකරුවන් දෙදෙනෙක් අහුංගල්ල පොලිසිය විසින් අත්අඩංගුවට ගෙන තිබෙනවා.
පොලිසිය කියා සිටියේ අහුංගල්ල පොලිසියේ නිලධාරීන් කණ්ඩායමකට ලද තොරතුරක් මත ඊයේ(03) සවස් කාලයේ බලපිටිය ප්රදේශයේ සිදු කරන ලද වැටලීමකදී ගිනි අවිය සමග සැකකරු අත්අඩංගුවට ගෙන ඇති බවයි.
එහිදී විදෙස් රටක නිෂ්පාදිත පිස්තෝල අවියක් එම පතරොම් ගැබ් එකක් එම ජීව පතරොම් 16ක් හා අයිස් මත්ද්රව්ය ග්රෑම් 11 මිලිග්රෑම් 500ක් සමග සැකකරුවෙක් අත්අඩංගුවට ගෙන තිබෙනවා.
සැකකරු අවුරුදු 31ක් පමණ වන බලපිටිය ප්රදේශයේ පදිංචිකරුවෙක් බවයි පොලිසිය පවසන්නේ.
මෙම පිස්තෝල අවිය මීට දින කිහිපයකට පෙර වෙනත් පුද්ගලයෙකු විසින් මොහුට ලබාදී ඇති බවට අනාවරණ වී ඇති අතර එම සැකකරුද ඊයේ(03) රාත්රීයේදී අම්බලන්ගොඩ, වදදූව දේවාලය ආසන්න ප්රදේශයකදී අත්අඩංගුවට ගෙන ඇති බවයි පොලිසිය පවසන්නේ.
පොලිසිය කියා සිටියේ එම සැකකරු වයස අවුරුදු 22ක් පමණ වන බලපිටිය ප්රදේශයේ පදිංචිකරුවෙක් බවයි.
මෙම සැකකරුවන් සංවිධානාත්මක අපරාධකරුවෙකු සමග සමීප සම්බන්ධතා පවත්වන අයෙක් බවට හා යම් අපරාධයක් කිරීම සඳහා මොවුන්ට මෙම පිස්තෝල අවිය ලබාදී ඇති බවට දැනට සිදු කරන ලද විමර්ශනවලදී අනාවරණ වී තිබෙනවා.
සිද්ධිය සම්බන්ධයෙන් අහුංගල්ල පොලිසිය විසින් වැඩිදුර විමර්ශන සිදුකරනු ලබනවා.
