ඊශ්‍රායල ගුවන් ප්‍රහාර සහ වෙඩි තැබීම් හේතුවෙන්, ගත වූ පැය 24ක කාලය තුළ ගාසා තීරයේ හටගත් යුද ගැටුම්වලින් පුද්ගලයින් 140 දෙනෙකු ජීවිතක්ෂයට පත්ව තිබෙනවා.
මේ අතර ගාසා තීරයේ ඛාන් යුනිස් ප්‍රදේශයට එල්ල වූ ඊශ්‍රායල ගුවන් ප්‍රහාරවලින් පුද්ගලයින් පස් දෙනෙකු මියගොස් තිබෙනවා.
එමෙන්ම මධ්‍යම ගාසා තීරයේ සලාහුදීන් මාර්ගයේ එක්සත් ජාතීන්ගේ සංවිධානය විසින් ගෙන එන ලද ආධාර ට්‍රක් රථවලින් ආහාර ලබාගැනීමට බලා සිටි ජනතාවට සිදුකළ වෙඩි තැබීම්වලින් 14 දෙනෙකු මියගොස් ඇති බවත් විදෙස් මාධ්‍ය වාර්තා කළා.
