නියෝජ්‍ය කතානායක අජිත් රාජපක්ෂ මහතාගේ ප්‍රධානත්වයෙන් අද දිනයේදීත් පාර්ලිමේන්තු කටයුතු ආරම්භ වුණා.
අද දින පාර්ලිමේන්තුවේ කටයුතු ආරම්භයේදීම විපක්ෂ නායක සජිත් ප්‍රේමදාස මහතා විසින් කියා සිටියේ පසුගිය දිනවල ජාත්‍යන්තර මාධ්‍ය විසින් පළ කර ඇති පරිදි ලංකාව තුළ යළිත් කලහකාරි තත්ත්වයක් ඇති වන බවට පළ වන වාර්තා සම්බන්ධයෙන් අවදානය යොමු කරන ලෙසයි.
රටේ ජාතික ආරක්ෂාවට මෙය යම් කිසි බලපෑමක් වනු ඇති බවටයි විපක්ෂ නායකවරයා අවධාරණය කර සිටියේ.
මේ අනුව සියලුම පක්ෂවල සාමාජිකයින් කැදවා මෙම තත්ත්වය සත්‍යක්ද අසත්‍යක්ද යන්න පිළිබද විමසා ඒ පිළිබද අවදානය ලබා දිය යුතු බවටයි විපක්ෂනායකවරයා අද පාර්ලිමේන්තුවේදී වැඩිදුරටත් කියා සිටියේ.
මේ අතර සමගි ජනබලවේගයේ පාර්ලිමේන්තු මන්ත්‍රිනි රෝහිණි කවිරත්න මහත්මිය අද පාර්ලිමේන්තුවේදී ගුරු හිඟය සම්බන්ධයෙන් අවධාරණය කර සිටියා.
නව චක්‍රලේඛයක් අනුව අපොස සාමාන්‍ය පෙළ ප්‍රතිඵල සියයට 90 ක් දක්වා ගෙන ඒමට අපොහොසත් වන විදුහල්පතිවරුන්ගේ වාර්ෂික වැටුප් වර්ධක තාවකාලිකව අත්හිටුවන බවට මධ්‍යම පළාත් අධ්‍යාපන අධ්‍යක්ෂවරයා විසින් ලිඛිතව දැනුම් දී තිබුණද එය ප්‍රායෝගිකව සිදු කිරීමට නම් රටේ ගුරු හිඟයට පිළියමක් යෙදිය යුතු බවටයි රෝහිණි කවිරත්න මහත්මිය වැඩිදුරටත් සදහන් කළේ.
මේ, ඒ සදහා පිළිතුරු ලබාදුන් අධ්‍යාපන අමාත්‍ය සුසිල් ප්‍රේම්ජයන්ත් මහතා.
මේ පිළිබදව වැඩිදුරටත් අදහස් පළ කළ අධ්‍යාපන අමාත්‍ය සුසිල් ප්‍රේම්ජයන්ත් මහතා.
මේ අතර විපක්ෂය ගෙන එන යෝජනා අනුව ශ්‍රී ලංකා ක්‍රිකට් ආයතනය පිළිබද කල්තැබීමේ විවාදය ද අද දින පැවැත්වීමට නියමිතව තිබෙනවා.
