තම දිවියම පා පැදිය වෙනුවෙන් කැප කළ, ශ්රී ලංකාවේ අග්රගණ්ය පාපැදි ශූරයෙකු වූ ඒ.එම්. සුමනවීර මහතා අභාවප්රාප්ත වී තිබෙනවා. සිව් වතාවක් ලංකා සවාරිය ජයග්රහණය කරමින් එම වාර්තාවට සම හිමිකම් කී ඔහු, විශේෂයෙන්ම කඳු නැඟීමේ ශුරයා ලෙසින් මෙරට තුළ අතිශය ප්රසිද්ධියට පත්ව සිටි පුද්ගලයෙකුද වනවා. මේ අනුව ඔහු ජීවත්ව සිටින තුරාම එම කීර්තිනාමය කිසිවෙකුට ඉක්මවා යාමට නොහැකි වීමද විශේෂත්වයක්. ඒ.එම්. සුමනවීර මහතාගේ ජීවිතය පා පැදිය සමඟ බැඳී පැවති අතර රත්නපුරය, නිවිතිගල මාර්ගයේ දෑල පිහිටි සිය නිවසේ සිට කොළඹ තෙල් සංස්ථාවේ සේවයටද ඔහු පැමිණ ඇත්තේ පා පැදියෙන් බවයි සඳහන් වන්නේ. ඒ.එම්. සුමනවීර මහතාගේ ආභාෂය ලබමින් ඔහුගේ දරුවන් ද පා පැදි තරග සඳහා ඉදිරිපත් වූ අතර, දියණියන් දෙදෙනෙකු වන ඩිලුක්ෂි සහ අයේෂා ජාතික මෙන්ම ජාත්යන්තර මට්ටමේ ජයග්රහණ පවා ශ්රී ලංකාවට රැගෙන ඒමට කටයුතු කර තිබෙනවා. අභාවප්රාප්ත පාපැදි ශූර ඒ. එම්. සුමනවීර මහතාගේ දේහය පිළිබඳ අවසන් කටයුතු ඊයේ දිනයේදී මල්වල ආදාහනාගාරයේදී සිදු කෙරුණා.
උණුසුම් පුවත්
- ‘ ලලිත්- කූගන් අතුරුදන් වීමේ නඩුවේ සාක්ෂි දීමට ගෝඨාභය ලෑස්තියි’- නීතිඥවරු අධිකරණයට පවසයි
- මෙරට ධිවර යාත්රා පිළිබඳ සංගණනයක්
- පොලිස් සේවයට කාන්තා නිලධාරීනියන් දහසක්
- අධික වේගයෙන් ගිය යතුරු පැදිය ලිස්සා බිරිය මරුට – සැමියාට බරපතලයි
- ගතවු පළමු මාස 6 දී අල්ලස් ගත් 34ක් අත්අඩංගුවට
- සැකකරුවෙකු පළායාමේ සිදුවීමට පොලීසියේ දෙදෙනෙකුගේ වැඩ තහනම්
- ජනවාරි සිට ජූලි දක්වා පැමිණි සංචාරකයින් ගණන ලක්ෂ 13 ඉක්මවයි
- මහනුවර වැවේ පුද්ගල මළසිරුරක්