ශ්‍රී ලංකා ක්‍රිකට් ආයතනයේ මෙහෙයවීමෙන් මෙරට පවත්වනු ලබන ප්‍රධානතම ජාතික තරගාවලිය බවට පත්ව තිබෙන කාන්තා ක්‍රිකට් සුපිරි කණ්ඩායම් 4 අතර තරගාවලිය සඳහා වන කණ්ඩායම් ප්‍රකාශයට පත් කර තිබේ.
තරගාවලිය මෙම මස 16 වැනිදා ආරම්භ වන මෙම තරගාවලියේදී බ්ලූස්, ගීන්ස්, ග්‍රේස් සහ රෙඩ්ස් යන කණ්ඩායම් තරග වැදීමට නියමිතයි.
පන්දුවාර 50 තරගාවලියක් ලෙසින් පැවැත්වෙන මෙම තරගාවලියේදී බ්ලූස් කණ්ඩායම සත්‍යා සංදීපනී විසින්ද, ග්‍රීන්ස් කණ්ඩායම කවීෂා දිල්හාරි විසින්ද, ග්‍රේස් කණ්ඩායම හර්ෂිතා සමරවික්‍රම විසින්ද සහ රෙඩ්ස් කණ්ඩායම නිලක්ෂි ද සිල්වා මෙහෙය වනවා.
මෙම තරගාවලියේදී ප්‍රධාන පුහුනුකාරියන් ලෙස කාන්තා පුහුණුකාරිණියන් පත් කිරීමද කැපී පෙනෙන ලක්ෂණයක්.්‍
මෙහි විශේෂත්වය වන්නේ ඔවුනට සහයෝගය ලබාදීම වෙනුවෙන් පුහුණු උපදේශකවරුන් සිව් දෙනෙකුද පත්කර තිබෙනවා. ලංකා ද සිල්වා, දිනුක් හෙට්ටිආරච්චි, රුමේෂ් රත්නායක සහ මලින්ද වර්ණපුර ඔවුන් සිව්දෙනා වනවා.
