බස්නාහිර, සබරගමුව පළාත්වලට මෙන්ම ගාල්ල, මාතර, මහනුවර සහ නුවරඑළිය යන දිස්ත්රික්කවලට ඉදිරි පැය 36 තුලදී වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව පවසනවා.
ඊට අමතරව උතුර, නැගෙනහිර සහ ඌව පළාත්වලට ද වැසි වාර කිහිපයක් ඇතිවිය හැකි බවයි එම දෙපාර්තමේන්තුව සඳහන් කළේ.
එමෙන්ම අධික වැසි සමග මල්වතු ඔය ද්රෝණිය ආශ්රිත පහළ ප්රදේශවලට නිකුත් කර තිබූ ගංවතුර අවදානම ඉවත් කර ඇති බව ද වාරිමාර්ග දෙපාර්තමේන්තුව ප්රකාශ කළා.
මේ අතර බදුල්ල හාලිඇල ස්ප්රීන්වැලිවත්ත ප්රදේශයේ අද පෙරවරුවේ නායයාමක් සිදුව තිබෙනවා .
ආපදා කළමනාකරණ මධ්යස්ථානය පැවසුවේ එහි අවදානම් කලාපයේ පදිංචි පවුල් දහයක් ආරක්ෂිත පියවරක් වශයෙන් ඉවත් කළ බවයි.
ජාතික ගොඩනැගිලි පර්යේෂණ ආයතනය එම ස්ථානය පරීක්ෂා කිරීමට නියමිත බවත්, එම ආයතනය ලබාදෙන නිර්දේශයන් අනුව ඉදිරි ක්රියාමාර්ග ගැනීමට සුදානම් බවත් බදුල්ල ආපදා කළමනාකරණ මධ්යස්ථානය වැඩිදුරටත් ප්රකාශ කර සිටියා.
