බස්නාහිර, සබරගමුව, මධ්යම, දකුණු සහ වයඹ පළාත්වල විටින් විට වැසි ඇති විය හැකි බව කාලගුණ විද්යා දෙපාර්තමේන්තුව පවසනවා.
නිවේදනයක් නිකුත් කරමින් එම දෙපාර්තමේන්තුව වැඩිදුරටත් පවසන්නේ සබරගමුව පළාතේත්, නුවරඑළිය, මහනුවර, කළුතර, ගාල්ල සහ මාතර දිස්ත්රික්කවලත් ඇතැම් ස්ථානවල මිලිමීටර් 100ක පමණ තද වැසි ඇති විය හැකි බවයි.
එසේම උතුරු පළාතේත් අනුරාධපුර දිස්ත්රික්කයේත් වැසි ස්වල්පයක් ඇති විය හැකි බවද නිවේදනයේ සඳහන්.
මධ්යම කඳුකරයේ බටහිර බෑවුම් ප්රදේශවලත් උතුරු, උතුරු-මැද, බස්නාහිර, සබරගමුව, වයඹ සහ දකුණු පළාත්වත් ත්රීකුණාමලය දිස්ත්රික්කයේත් විටින් විට හමන පැයට කිලෝමීටර් 50ක 60ක පමණ තද සුළං ඇති විය හැකි බවයි කාලගුණ විද්යා දෙපාර්තමේන්තුව පවසනවා.
තද සුළංවලින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවට දැනුවත් කර සිටිනවා.
මේ අතර ඉදිරි පැය 24ක කාලය සඳහා දිවයින වටා මුහුදු ප්රදේශ සඳහා කාලගුණ අනාවැකියද කාලගුණ විද්යා දෙපාර්තමේන්තු විසින් නිකුත් කර තිබෙනවා.
වැසි තත්ත්වය
පුත්තලම සිට කොළඹ සහ ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්රදේශවල තැනින් තැන වැසි ඇති වේ.
සුළඟ
සුළං නිරිත දිශාවෙන් හමා එයි.
හලාවත සිට පුත්තලම සහ මන්නාරම හරහා කන්කසන්තුරය සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය පැයට කිලෝමීටර් 35ක් 45ක් පමණ වන අතර විටින් විට පැයට කිලෝමීටර් 60ක් 70ක් පමණ දක්වා ඉහළ යා හැකියි.
දිවයින වටා වන සෙසු මුහුදු ප්රදේශවල සුළගේ වේගය පැයට කිලෝමීටර් 30ත් 40ත් පමණ වේ.
හලාවත සිට කොළඹ හරහා ගාල්ල දක්වා සහ කන්කසන්තුරේ සිට මුලතිව් හරහා ත්රිකුණාමලය දක්වා වන මුහුදු ප්රදේශවල සුළගේ වේගය විටින් විට පැයට කිලෝමීටර් 50ත් 55ත් පමණ දක්වා ඉහළ යා හැක.
මුහුදේ ස්වභාවය
හලාවත සිට පුත්තලම සහ මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ විටින් විට ඉතා රළු වේ.
මෙම මුහුදු ප්රදේශයට නැවත දැනුම්දෙනතුරු යාත්රා නොකරන ලෙස නාවක සහ ධීවර ප්රජාවන්ට දැනුම් දෙන බවයි කාලගුණ විද්යා දෙපාර්තමේන්තුව පවසන්නේ.
හලාවත සිට කොළඹ හරහා ගාල්ල දක්වා සහ කන්කසන්තුරේ සිට මුලතිව් හරහා ත්රීකුණාමලය දක්වා වන මුහුදු ප්රදේශ විටින් විට රළු විය හැකි බවයි නිවේදනයේ දැක්වෙන්නේ.
මන්නාරම සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල රළ උස මීටර් 2.5ක් 3ක්(මෙය ගොඩබිමට එන රළ උස නොවේ.) පමණ ඉහළ යාමේ හැකියාවක් පවතින බවද කාලගුණ විද්යා දෙපාර්තමේන්තුව පවසනවා.
