අස්වැසුම සුබසාධක ප්රතිලාභ ගෙවීමේ වැඩසටහන සඳහා සුදුසුකම් ලබා මෙතෙක් ප්රතිලාභ ලබා ගැනීම සඳහා බැංකු ගිණුම් විවෘත නොකළ සියලු ප්රතිලාභීන් කඩිනමින් බැංකු ගිණුම විවෘත කර ප්රතිලාභ හිමි කර ගැනීමට කටයුතු කරන ලෙස සුබසාධක ප්රතිලාභ මණ්ඩලයේ සභාපති ජයන්ත විජේරත්න මහතා පවසනවා.
නියමිත පරිදි බැංකු ගිණුම් විවෘත නොකිරීම හේතුවෙන් අස්වැසුම ප්රතිලාභීන් එක් ලක්ෂ 56,261කට අදාළ ගෙවීම් සිදු කිරීමට නොහැකි තත්ත්වයක් උද්ගතව ඇති බවයි ඒ මහතා සඳහන් කළේ.
අස්වැසුම ප්රතිලාභීන් සඳහා පසුගිය ජූලි මාසයට අදාළ ප්රතිලාභ පියවර 05ක් යටතේ ඔක්තෝබර් මස 16 වනදා වන විට, පවුල් දොලොස් ලක්ෂ 30,097ක් සඳහා රුපියල් බිලියන 7.70 මුදලක් ගෙවා අවසන් කර තිබෙනවා.
එමෙන්ම ජූලි මාසයට අදාළ ඉතිරි කොටස්වල ගෙවීම් දෙසැම්බර් මාසය වන විට ගෙවා අවසන් කිරීමට නියමිත බවයි සුබසාධක ප්රතිලාභ මණ්ඩලයේ සභාපති ජයන්ත විජේරත්න මහතා වැඩිදුරටත් සදහන් කළේ.
