ඇමරිකාවේ බැල්ටිමෝර් හි ෆ්රැන්සිස් ස්කොට් කී පාලම නෞකාවක් ගැටී සිදු වූ අනතුරින් පුද්ගලයන් 06 දෙනෙකු අතුරුදන්ව තිබෙනවා.
මෙම පුද්ගලයන් 06 දෙනා ජීවිතක්ෂයට පත්වන්නට ඇති බවට අනුමාන කරන බවට අමෙරිකානු වෙරළාරත්ෂක බලකා නිලධාරීන් සඳහන් කර ඇති බවයි විදෙස් මාධ්ය වාර්තා කර ඇත්තේ.
ඒ අනුව සෝදිසි මෙහෙයුම් නවතා දමා තිබෙනවා.
ඊයේ අලුයම් කාලයේදී පැටපිස්කෝ ගංඟාව හරහා ඉදිකර ඇති පාලමේ කණුවක මෙම නෞකාව ගැටීමෙන් පසු පාලම කඩාවැටුනු අතර, ඒ මතින් ගමන් කරමින් තිබූ වාහන කිහිපයක් ගඟට වැටී තිබුණා.
මේ අතර මෙම ඛේදවාචකයෙන් බලපෑම් එල්ල වූ මිනිසුන් සිහිපත් කර පාලම නැවත ගොඩ නගන බව මේරිලන්ඩ් ආණ්ඩුකාර වෙස් මුවර ප්රකාශ කර තිබෙනවා.
එමෙන්ම පාලම ප්රතිනිර්මාණය කිරීම සහ වරාය නැවත ක්රියාත්මක කිරීම සඳහා වන සම්පූර්ණ පිරිවැය සිය රජය විසින් දරණ බව අමෙරිකානු ජනාධිපති ජෝ බයිඩන් ප්රකාශ කර ඇති බවයි විදෙස් මාධ්ය වැඩිදුරටත් සඳහන් කර ඇත්තේ.
උණුසුම් පුවත්
- නව කොවිඩ් ප්රභේදය ශ්රී ලංකාවෙනුත් හඳුනාගැනේ
- අනුදිට අවසන් පූර්ව වටය අහිමිවෙයි
- සභික නාම ලේඛන සහිත ගැසට් පත්ර නිකුත් කරයි
- ඉන්ධන මිල ගැන දැන් ලැබුණු ආරංචිය
- ජනපති අනුරගෙන් අනුදිට සුබ පැතුම්
- ඉහළ කොත්මලේ වාන් දොරටු දෙකක් විවෘත කරයි
- ලෝක රූ රැජින අවසන් තරගයට යන අනුදිට හිටපු ජනපති මහින්දගෙන් සුබ පැතුම්
- අනුදි අද ලෝක රූ රැජින අවසන් තරග බිමට