අවිස්සාවේල්ල සහ සීගිරිය යන ප්රදේශයෙන්හිදී දියේ ගිලීමෙන් පුද්ගලයන් දෙදෙනෙක් ජීවිතක්ෂයට පත්ව ඇති බව පොලිසිය පවසනවා.
පිහිණුම් තටාකයක ගිලීමෙන් අවිස්සාවේල්ල ප්රදේශයේදී පුද්ගලයෙකු මියගොස් ඇති බව පොලිසිය පවසන්නේ.
පොලිසිය කියා සිටියේ ඊයේ(04) සවස අවිස්සාවේල්ල, පුවක්පිටිය ප්රදේශයේ පිහිණුම් තටාකයක ගිලීමෙන් පුද්ගලයෙකු මියගොස් ඇති බවට ලද තොරතුරක් මත විමර්ශන ආරම්භ කර ඇති බවයි.
මෙලෙස මියගොස් ඇත්තේ වයස අවුරුදු 52ක් පමණ වූ මාළඹේ ප්රදේශයේ පදිංචිකරුවෙක් බවයි පොලිසිය පවසන්නේ.
මරණකරු තවත් පිරිසක් සමග විනෝද චාරිකාවක් සඳහා අවිස්සාවේල්ල ප්රදේශයට ගොස් හෝටලයක පිහිණුම් තටාකයක දිය නාමින් සිටියදී දියේ ගිලී ඇති බව සිදු කළ විමර්ශනයේදී අනාවරණ වී ඇති බවයි පොලිසිය පවසන්නේ.
සිද්ධිය සම්බන්ධයෙන් අවිස්සාවේල්ල පොලිසිය වැඩිදුර විමර්ශන සිදු කරනු ලබනවා.
මේ අතර සීගිරිය, දිගම්පහත ප්රදේශයේ පිහිටි මහවැවේ ගිලීමෙන්ද පුද්ගලයෙක් මියගොස් ඇති බව සීගිරිය පොලිසිය පවසනවා.
මරණකරු වයස අවුරුදු 44ක් වූ කෑගල්ල ප්රදේශයේ පදිංචිකරුවෙක් බවයි පොලිසිය පවසන්නේ.
මරණකරු මිතුරන් පිරිසක් සමග මහවැවේ දියනෑමට ගොස් සිටියදී මෙලෙස දියේ ගිලී මියගොස් ඇති බවට විමර්ශනවලදී අනාවරණවූ බවයි පොලිසිය පවසන්නේ.
සිගිරිය පොලිසිය වැඩිදුර විමර්ශන සිදු කරනු ලබනවා.
