සංචාරක අයර්ලන්ත කණ්ඩායම සහ ශ්රී ලංකාව අතර පැවැත්වෙන පළමු ටෙස්ට් ක්රිකට් තරගයේ පළමු දිනය අදයි.
තරගයේ කාසියේ වාසිය දිනු ශ්රී ලංකා කණ්ඩායම පළමුවෙන් පන්දුවට පහරදීමට තීරණය කළා.
අද දිනය නිමා වන විට තරගයේ සියලු ගෞරව දිනා ගන්නට ශ්රී ලංකා පිතිකරණ බලඇණිය සමත් වුණා.
තරගය පළමු දිනට නතර කරන විට සිය පළමු ඉනිම ක්රිඩා කරන ශ්රී ලංකාව කඩුලු 4 දැවී ලකුණු 386 ක් ලබා සිටියා.
ශ්රී ලංකා ඉනිමේ නැංගුරම බවට පත්වෙමින් විශිෂ්ට ඉනිමක් ක්රීඩා කළ නායක දිමුත් කරුණාරත්න සිය 15 වන ශතයක ලබා ගත්තා.
දිමුත් ලකුණු 179ක් ලබා සිටියදී දවා ගන්නට අයර්ලන්ත පන්දු යවන්නන් සමත් වුණා.
දිමුත්ට අනගි සහයක් ලබා දෙමින් විශිෂ්ට ඉනිමක් දියත් කළ කුසල් මෙන්ඩිස් සිට ටෙස්ට් ක්රිකට් දිවියේ 12 වන ශතයකය රැස් කළා.
කුසල් මෙන්ඩිස් ලකුණු 140ක් ලබා ගත්තා.
දිමුත් සහ කුසල් එක්ව දෙවන කඩුල්ල වෙනුවෙන් ලකුණු 281ක සබඳතාවත් ගොඩනැගුවා. එය ශ්රී ලංකාව ඉතිහාසයේ ටෙස්ට් තරගයකදී දෙවන කඩුල්ල වෙනුවෙන් රැස්කළ සිව්වන වැඩිම ලකුණු සංඛ්යාවයි.
අද දිනට තරගය නවතා දමන විට දිනේෂ් චන්දිමාල් ලකුණු 18 ක් සහ ප්රභාත් ජයසුරිය ලකුණු 12 ක් ලබා නොදැවී ක්රිඩා කරමින් සිටියා.
ගාල්ල ජාත්යන්තර ක්රීඩාංගනයේ පැවැත්වෙන තරගයේ හෙට දෙවන දිනයයි.
උණුසුම් පුවත්
- විමලසුරේන්ද්ර ජලාශයේ යුද හමුදා මුර පොළට පස් කන්දක් කඩා වැටෙයි
- අනුරපුර සහ නුවරඑළිය නගරවලට යන එන සියලු පාරවල් අවහිරයි
- රටම ආපදාවට ලක්වෙද්දි ෆේස්බුක් සාදයක් දැමූ සෙට් එකක් කොටු
- ආපදා මරණ සංඛ්යාව 159ක් දක්වා ඉහළට
- අඹතලේ ගංවතුර පාලන වේල්ල පිටාර ගැලීමේ අවදානමක
- කාලගුණ තත්ත්වයේ සැලකිය යුතු අඩුවීමක්
- වැඩිහිටි නිවාසයක සිටි 11 දෙනෙකු ජිවිතක්ෂයට
- ගතවූ පැය 24ක කාලය තුළ දිවයිනේ වැඩිම වර්ෂාපතනය මහනුවරට













