හැටන් සිට දික්ඔය දරවල වත්තේ ඉහළ කොටසට පිවිසෙන මාර්ගය හරහා ඉදිකර තිබූ කොන්ක්රීට් පාලමක් පසුගිය 7 වැනිදා කැඩී යාම හේතුවෙන් එම වතුයායේ පදිංචි පවුල් 2000ක් පමණ දැඩි ලෙස පීඩාවට පත්ව සිටිනවා.
පසුගිය 7 වැනිදා එම මාර්ගය හරහා හැටන් සිංගිමලේ ජලාශයේ ප්රතිසංස්කරණ කටයුතු සඳහා වැලි ප්රවාහනය කළ ලොරි රථයක් පාලම මතින් ධාවනය කිරීමේදී බර දරාගැනීමට නොහැකිව පාලම දෙකට කැඩී ගොස් තිබෙනවා.
පාලම කැඩී යාම නිසා එම වතුයායේ වතු කම්කරුවන් එක්ව ලී සහ කඳන් භාවිතා කරමින් තාවකාලික පාලමක් ඒ අසලින්ම ඉදිකර ඇතත් එම මාර්ගයේ ත්රීරෝද රථ සහ යතුරු පැදි හැර වෙනත් වාහනයකට යාමට නොහැකි බවයි වතු කම්කරුවන් පවසන්නේ.
පාලම මතින් ධාවනය කළ ලොරි රථය පෞද්ගලික අංශයේ එකක් බවත් එම ලොරි රථයේ රියදුරා පාලම ඉදිකරදෙන බවට පොරොන්දු වූවද එම පොරොන්දුව මෙතෙක් ඉටු නොකළ බවයි එම වතුයායේ වතු කම්කරුවන් කියා සිටින්නේ.
ඉදිරියේදී එළැඹෙන මෝසම් වැසිවලට පෙර දෙකට කැඩී ගිය සිමෙන්ති පාලම ප්රතිසංස්කරණ කරදීමට හෝ අලුතින් ඉදිකරදීමට වතු පාලන අධිකාරිය හෝ රජය කටයුතු කළ යුතු බවයි පීඩාවට පත් එම වතු කම්කරුවන් කියා සිටියේ.
