පළාත් පාලන ආයතන ඡන්ද විමසීමට අදාළව තැපැල් ඡන්ද අයදුම්පත් භාර ගැනීම ඊයේ මධ්යම රාත්රී 12 න් අවසන් වුණා.
2023 පළාත් පාලන ආයතන ඡන්ද විමසීමට අදාළව තැපැල් ඡන්ද අයදුම්පත් භාර ගැනීම ජනවාරි මස 05 වනදා සිට සිදු කෙරුණා.
මේ අතර ඡන්දය පැවැත්වෙන ආකාරය පිළිබඳ දැනුම්වත් කිරීම සඳහා සියලු දේශපාලන පක්ෂ නියෝජිතයින් අද මැතිවරණ කොමිෂන් සභාව වෙත කැඳවා තිබෙනවා.
එමෙන්ම ඡන්ද පත්රිකා මුද්රණය මෙම සතියේ සිට ආරම්භ කිරීමට නියමිත බවයි වාර්තා වන්නේ.
කොළඹ දිස්ත්රික්කයේ පළාත් පාලන ආයතනවලට තරගවදින ස්වාධීන කණ්ඩායම්වල නායකයින් දිස්ත්රික් ලේකම් කාර්යාලය වෙත අද කැඳවා තිබුණා.
මේ අතර පළාත් පාලන මැතිවරණය සම්බන්ධයෙන් මෙම දිනවල දේශපාලන වේදිකාවද උණුසුම් වී තිබෙනවා.
මේ දේශපාලන වේදිකාවේ අදහස් පල කල ජාතික ජන බලවේගය පක්ෂයේ දේශපාලන මණ්ඩල සභික කේ.ඩී ලාල් කාන්ත, සමගි ජන බලවේගය පක්ෂයේ පාර්ලිමේන්තු මන්ත්රී සුජිත් සංජය පෙරේරා, ආණ්ඩු පක්ෂයේ පාර්ලිමේන්තු මන්ත්රී සරත් වීරසේකර, නිදහස ජනතා සභාවේ පාර්ලිමේන්තු මන්ත්රී, මහාචාර්ය ජි.එල් පිරිස් සහ ශ්රී ලංකා පොදුජන පෙරමුණේ පාර්ලිමේන්තු මන්ත්රී සංජීව එදිරිමාන්න යන මහත්වරුන්.
