වසරේ මේ දක්වා කාලය තුළ වාර්තා වූ ඩෙංගු රෝගීන්ගේ සංඛ්යාව 75,321 දක්වා ඉහළ ගොස් ඇති බව ජාතික ඩෙංගු මර්දන ඒකකය පවසනවා. කෙසේ වෙතත් ගත වූ පැය 24 තුළ වාර්තා වී ඇති ඩෙංගු රෝගීන් සංඛ්යාව 843 ක් බව සඳහන්. මේ වනවිට ඩෙංගු රෝග ව්යාප්තියේ යම් අඩුවීමක් දක්නට ලැබුණද එය තවමත් අවදානම් මට්ටමක පවතින බවයි ජාතික ඩෙංගු මර්දන ඒකකයේ වැඩබලන අධ්යක්ෂ වෛද්ය කපිල කන්නන්ගර මහතා සඳහන් කළේ. දිවයින පුරා සිදුවන ඩෙංගු මරණවලින් බහුතරයක් කාන්තාවන් වන බැවින් රෝගී තත්ත්වයන් මතු වූ වහාම වෛද්ය උපදෙස් හා ප්රතිකාර ලබා ගැනීමට කටයුතු කරන ලෙසයි ජාතික ඩෙංගු මර්දන ඒකකය දැනුම් දී තිබෙන්නේ. එමෙන්ම ඩෙංගු වැනි බරපතළ රෝගී තත්ත්වයන් හමුවේ පාරම්පරික ඖෂධ හෝ අත්බෙහෙත් අත්හදා බැලීම අතිශය අවදානම් සහගත බව ද වෛද්ය කපිල කන්නන්ගර මහතා සඳහන් කළා. සාමාන්ය රෝගාබාධ සඳහා පාරම්පරික ඖෂධ යහපත් ප්රතිඵල ගෙන දුන්නද, ඩෙංගු වැළඳී ඇති විටෙක එවැනි පරීක්ෂණාත්මක දේ කිරීමෙන් වැළකී වහාම වෛද්ය ප්රතිකාර වෙත යොමු විය යුතු බවයි ඒ මහතා අවධාරණය කළේ.
