2027 වසර අවසන් වීමට පෙර ඩීසල් භාවිතයෙන් විදුලි උත්පාදනය අවම කිරීමට පියවර ගන්නා බව ජාතික පද්ධති පාලන පුද්ගලික සමාගම පවසනවා. එහි සභාපති ආචාර්ය ප්රදීප් ප්රියදර්ශන මහතා පැවසුවේ 2027 වසර අවසානය වන විට මෙගාවෝට් 750ක පමණ විදුලි ධාරිතාවක් බැටරි මගින් ලබා ගැනීමට සැලසුම් කර ඇති බවයි. ඒ අනුව රුපියල් බිලියන 30-35ක ප්රමාණයක් ඉතිරි කර ගැනීමට මෙමගින් හැකියාව ලැබෙන බව ඒ මහතා වැඩිදුරටත් පෙන්වා දුන්නා.
