ඩයලොග් පාසල් රග්බි ලීග් තරගාවලියේ හයවැනි සතියට අදාළ තරග පසුගිය සති අන්තයේ දී පැවැත්වුණා.
ඉන් පළමු තරගය පැවැත්වුනේ කොළඹ සාන්ත පීතර විද්යාලය සහ සහිරා විද්යාලය අතරයි
බම්බලපිටිය සාන්ත පීතර විද්යාලය ක්රීඩාංගනයේදී පැවැත්වුණු මෙම තරගය ලකුණු 62 කට 08 ක් ලෙස ජය ගැනීමට සාන්ත පීතර ක්රීඩකයින් සමත් වුණා.
තරගාවලියේ හයවන සතියේ දෙවන තරගය කොළඹ රාජකීය විද්යාලය සහ සාන්ත ජෝසප් විද්යාලය අතර පවත්වනු ලැබුවා.
ඒ කොළඹ හැව්ලොක් ක්රීඩාංගණයේ දීයි.
මෙහිදී ලකුණු 28 ට 19 ක් ලෙස තරගය ජය ගත්තේ කොළඹ රාජකීය විද්යාලීය කණ්ඩායමයි.
මහනුවර ත්රිත්ව විද්යාලය සහ සාන්ත අන්තෝනි විද්යාලය අතර තුන්වන තරගය පැවැත්වුණා
මෙම තරගය පැවැත්වුනේ මහනුවර ,පල්ලෙකැලේ ක්රීඩාංගනයේදීයි
මෙහිදී ත්රිත්ව විද්යාලය ලකුණු 32 ට 19 ක් ලෙස සාන්ත අන්තෝනි විද්යාල කණ්ඩායම පරාජයට පත් කළා.
තරගාවලියේ සිව්වන තරගය් පැවැත්වුනේ කොළඹ වෙස්ලි විද්යාල කණ්ඩායම සහ මහනුවර කිංග්ස්වුඩ් විද්යාල කණ්ඩායම් අතරයි.
එහිදී ලකුණු 43 ට 17 ක් ලෙස කිංග්ස්වුඩ් විද්යාලය පරදා තරගය ජය ගැනීමට වෙස්ලි විද්යාල කණ්ඩායමට හැකි වුනා .
හයවන සතියට අදාළ පස්වන තරගය මහනුවර විද්යාර්ථ විද්යාලය සහ කොළඹ තර්ස්ටන් විද්යාලය අතරයි පැවත් වුණේ.
එහිදී විද්යාර්ථ විද්යාලය ලකුණු 52 ට 20 ක් ලෙස තර්ස්ටන් විද්යාල කණ්ඩායම පරාජයට පත් කළා.
මහනුවර ධර්මරාජ විද්යාලය සහ විද්යා විද්යාලය අතර පැවැත්වුනේ තරගාවලියේ හයවන සතියට අදාළ හයවන තරගයයි.
මෙම සති අන්තයේ පැවැත්වුණු තියුණු ම තරගය ලෙස විචාරකයින් බොහෝ පිරිසක් මෙම තරගය හදුන්වා දෙනු ලැබුවා.
මෙහිදී ලකුණු 15 ට 10 ක් ලෙස විද්යා විද්යාලය පරාජය කරමින් තරගය ජය ගත්තේ ධර්මරාජ විද්යාල කණ්ඩායමයි.
සති අන්තයේ පැවති හත්වන තරගය කොළඹ සාන්ත තෝමස් විද්යාලය සහ පානදුර ශ්රී සුමංගල විද්යාලය අතර පැවැත්වුණා.
එම තරගයෙන් ශ්රී සුමංගල කණ්ඩායම පරදවා ලකුණු 18 ට 57 ක දැවැන්ත ජයක් වාර්තා කලේ සාන්ත තෝමස් විද්යාල කණ්ඩායම විසින්.
හයවන සතියේ අවසන් තරගය පැවැත්වුනේ කොළඹ ඩී.එස්.සේනානායක විද්යාලය සහ ඉසිපතන විද්යාලය අතරයි.
එහිදී ඩී.එස්.සේනානායක විද්යාලය පරදවා ලකුණු 27 ට 24 ක් ලෙස ජය වාර්තා කිරීමට ඉසිපතන විද්යාල කණ්ඩායමට හැකි වුණා.
