දෙවන වරට පැවති ලෝක ශුරතා ටෙස්ට් තරගාවලිය ජය ගැනීමට ඕස්ටේ්රලියානු කණ්ඩායම අද(11) පස්වරුවේ සමත් වුණා. ඒ අවසන් මහා තරගයේදී ඉන්දීය කණ්ඩායම පරදා ලකුණු 209 ක ජයක් වාර්තා කරමින්.
ජුනි 7 වනදා එංගලන්තයේ ඕවල් ක්රීඩාංගනයේදී ආරම්භ වූ මෙම තරගයේ කාසියේ වාසිය ඉන්දීය කණ්ඩායම විසින් දිනාගනු ලැබු අතර එහිදී පළමුව පන්දුවට පහරදීමේ අවස්ථාව ඕස්ටේ්රලියානු කණ්ඩායමට ලබාදීමට පියවර ගනු ලැබුවා .
ඒ අනුව පිටියට පිවිසි ඕස්ටේ්රලියාව පළමු ඉනිම සඳහා සියල්ලන් දැවී ලබාගත් ලකුණු සංඛාව 469 ක්. අනතුරුව සිය පළමු ඉනිම සඳහා පිටියට පිවිසි ඉන්දීය කණ්ඩායමට සියල්ලන් දැවී ලබාගත හැකි වුයේ ලකුණු 296 ක් පමණයි.
ඉන්දීය පළමු ඉනිමට වඩා ලකුණු 173 ක් ඉදිරියෙන් සිටිමින් සිය දෙවන ඉනිම ආරම්භ කල ඔස්ටේ්රලියාව කඩුලු 8 ක් දැවී ලකුණු 270 ක් ලබා සිටියදී ඉනිම අත්හිටුවීමට තීරණය කළා.
ඒ අනුව තරගය ජයගැනීම සඳහා ඉන්දීයාවට හිමි වූ ඉලක්කය ලකුණු 444 ක්.
කෙසේ වෙතත් ලකුණු 234 කට ඉන්දීය ක්රීඩකයින් සියලු දෙනා දවාගැනීමට ඕස්ටේ්රලියානු ක්රීඩකයින්ට හැකි වුණා.
ඒ අනුවයි මෙම අවසන් මහා තරගයෙන් ලකුණු 209 ක ජයක් වාර්තා කිරීමට ඔස්ටේ්රලියාව සමත් වුණේ.
අවසන් මහා තරගයේ වීරයා වශයෙන් ඕස්ටේ්රලියානු ක්රීඩක ට්රැවිස් හෙඩ් සම්මාන දිනාගත්තා.
මෙම ජයත් සමග ටෙස්ට්, විස්සයි විස්ස සහ එක්දින යන අංශ තුනෙහිම ලෝක කුසලානය ජයගත් පළමු රට බවට පත් විමට ඔස්ටේ්රලියාවට හැකියාව ලැබුණා.
