මුදල් විශුද්ධිකරණ නඩුවක් අවලංගු කරන ලෙස ඉල්ලා බොලිවුඩ් නිළි ජැකලින් ෆර්නැන්ඩස් ගොනු කළ පෙත්සමක් දිල්ලි මහාධිකරණය විසින් ප්රතික්ෂේප කර තිබෙනවා. ඉන්දීය මූල්ය අපරාධ විමර්ශන කාර්යංශය විසින් ඇයට එරෙහිව පනවා තිබූ පැමිණිල්ල වෙනුවෙන් ඇය මෙම පෙත්සම ඉදිරිපත් කර තිබුණා. ඉන්දීය චිත්රපට නිෂ්පාදකයෙකු මෙන්ම ව්යාපාරිකයෙකු වන චන්ද්රශේඛර් විසින් අයථා ලෙස උපයා ගත් බව කියන ධනය විශුද්ධිකරණය කිරීමට ජැකලින් ෆර්නැන්ඩස් සහාය දැක් වූ බව පවසමින් ඇයට එරෙහිව මෙම පෙත්සම ගොනු කර ඇති බව සඳහන්. අදාළ විත්රපට ව්යාපාරිකයා විසින් විවිධ නිරූපිකාවන් සහ බොලිවුඩ් කීර්තිමත් චරිත වෙනුවෙන් රුපියල් කෝටි 20 කට අධික මුදලක් විවිධ අයුරින් එලෙස වියදම් කර ඇති බව සඳහන්. කෙසේ වෙතත් ඒ අතුරින් කිහිපදෙනෙකු ඔහුගෙන් තෑගි ලබා ගැනීම ප්රතික්ෂේප කර තිබූ බවද වාර්තා වනවා. ඉන්දීය මූල්ය අපරාධ විමර්ශන කාර්යංශය මේ වන විට ජැක්ලින් ෆර්නැන්ඩස්ගේ ඉන්දීය රුපියල් කෝටි හතයි දශම දෙකක් වටිනා වත්කම් සහ ස්ථාවර තැන්පතු අත්පත් කරගෙන ඇති බවයි වාර්තා වන්නේ. ශ්රී ලාංකික නිළියක වන ජැකලින් ෆර්නැන්ඩස් මේ වන විට ඉන්දියාවේ පදිංචිව සිටිනවා.
උණුසුම් පුවත්
- කුරුලු උයනේ හිමිකරු ලබන 30 වනදා දක්වා රක්ෂිත බන්ධනාගාරගතයට
- අතුල තිලකරත්නට වසර 07ක බරපතල වැඩ සහිත සිරදඬුවමක්
- වැඩබලන පොලිස්පතිවරයාගේ නම සදහන් කරමින් ව්යාජ ලෙස සකස් කළ පී ඩී එෆ් ගොනුවක්
- රට තුළ නැවත කිසිලෙසකින්වත් ජාතිවාදි යුද්ධයක් නැහැ-එරංග ගුණසේකර
- ශ්රී ලාංකික ව්යාපාරික කවුන්සිලයන්හි ගෝලීය සම්මේලනයේ වාර්ෂික මහා සභා රැස්වීම ජනාධිපති ප්රධානත්වයෙන්
- තායිලන්තය සහ කාම්බෝජය යලිත් උණුසුම් !
- පාස්කු වින්දිතයන්ට අනිවාර්යෙන් සාධාරණය ඉටු කරනවා – අගමැතිනියගෙන් සහතිකයක් ! VEDIO –
- එක්ස්ප්රස් පර්ල් තීන්දුව ගැන ඇඟ හිරිවැටෙන අනාවරණයක් ! VEDIO –