රික්ටර් මාපකයේ මැග්නිටියුඩ් 6 යි දශම 1 ක ප්‍රබල භූ චලනයක් ජපානයේ සිදුවී ඇති බව ඇමරිකානු භූ විද්‍යා සමීක්ෂණ ආයතනය පවසනවා.
මෙම ප්‍රබල භූමිකම්පාව ජපානයේ උතුරු හොකයිඩෝ දූපතේ නැගෙනහිර කොටසේ සිදු වූ බවයි එරට භ්‍යණ රුපවාහිනී නාලිකාව වාර්තා කර ඇත්තේ.
මෙයින් සිදුවූ හානිය පිළිබඳව මෙතෙක් අනාවරණය වී නොමැති අතර සුනාමි අනතුරු නිවේදනයක් ද නිකුත් කර නොමැති බව වාර්තා වනවා .
මේ අතර තුර්කියේ මධ්‍යම ඇනටෝලියා හි නිග්දා ප්‍රදේශයේ රික්ටර් මාපකයේ 5 දශම 3 ක අගයක් ඇති භූමිකම්පනයක් ඊයේ සිදුවී ඇති බව වාර්තා වනවා .
එරට ඇති වූ ප්‍රබල භූ කම්පනයෙන් සති දෙකකට පසු මෙම භූ කම්පනය වාර්තා වූ බවයි තුර්කි භූමිකම්පන නිරීක්ෂණ මධ්‍යස්ථානය පෙන්වා දී ඇත්තේ .
මෙම භූ කම්පනයෙන් ජීවිත හානි කිසිවක් මෙතෙක් වාර්තා වී නොමැති බව තුර්කි ආපදා කළමනාකරණ ආයතනය පවසා තිබෙනවා .
