ජනාධිපති රනිල් වික්රමසිංහ මහතා විසින් මහ මැතිවරණයක් ලබා නොදෙන්නේ නම් පාර්ලිමේන්තුවේ 113 ක බහුතරය විසින් මහ මැතිවරණයක් අවශ්ය බවට සභාව තුළදී අසුන්වලින් නැගිට ප්රකාශ කළහොත් එවිට මහ මැතිවරණයක් ප්රථමයෙන් ලබා දිය යුතු බව පාර්ලිමේන්තු මන්ත්රී එස්.බී.දිසානායක මහතා පවසනවා.
එවිට ජනාධිපතිවරයාට මහ මැතිවරණයක් ප්රථමයෙන් ලබාදීමට සිදුවන බවයි ඒ මහතා කොළඹ පැවති මාධ්ය හමුවකට එක්වෙමින් කියා සිටියේ.
වැඩිදුරටත් අදහස් දක්වමින් එස්.බී.දිසානායක මහතා කියා සිටියේ පාඨලි චම්පික රණවක මහතා ඇතුඵ ඕනෑම පුද්ගලයෙකුට පොදුජන පෙරමුණ සමග එක්නොවී නැවතත් පාර්ලිමේන්තුවට තේරිපත් විය නොහැකි බවයි.
මේ අතර කොළඹ පැවති මාධ්ය හමුවකට එක්වෙමින් එක්සත් ජාතික පක්ෂයේ හිටපු පාර්ලිමේන්තු මන්ත්රී පාලිත රංගේ බණ්ඩාර මහතා කියා සිටියේ මේ වන විට සමගි ජනබලවේගයේ බොහෝ පිරිසක් එක්සත් ජාතික පක්ෂයේ සාමාජිකත්වය ගැනීමට සිය කාර්යාලයට පැමිණෙන බවයි.
