චීන මහජන සමූහාණ්ඩුව පිහිටුවීමේ 76 වැනි සංවත්සරය සනිටුහන් කරමින් විශේෂ භෝජන සංග්‍රහයක් ඊයේ පැවැත්වුණා.
ඒ චීන ජනාධිපති ෂී ජින් පිං මහතා ගේ ප්‍රධානත්වයෙන් බෙයිජිං හි මහජන මහ ශාලාවේදී.
එහිදී ෂී ජින් පිං ජනාධිපතිවරයා සමස්ත චීන ජනතාව වෙත සුබ පතමින් කියාසිටියේ චීන මහජන සමූහාණ්ඩු‍වේ සංවර්ධනයට සහාය දෙන මිත්‍ර රටවල් හා විදේශීය මිතුරන් වෙත කෘතඥතාව පුද කරන බවයි.
චීන මහජන සමූහාණ්ඩුව පිහිටුවා ගෙවී ගිය වසර 76 තුළ චීන කොමියුනිස්ට් පක්ෂයේ නායකත්වය යටතේ චීනය ස්වෝත්සාහයෙන් ඓතිහාසික, දැවැන්ත ජයග්‍රහණ රැසක් අත්කරගෙන ඇතැයි ෂී ජින්පිං මහතා එහිදී අවධාරණය කළා.
වත්මන් සංකීර්ණ ගෝලීය සන්දර්භය හමුවේ පූර්ණ වශයෙන් ප්‍රතිසංස්කරණය තවදුරටත් තහවුරු කර ඇති චීනය, ගුණාත්මක සංවර්ධනය ද පුළුල් ලෙස වැඩිදියුණු කර තිබෙන බව පැවසූ ජනාධිපතිවරයා සඳහන් කළේ, ලබන මාසයේ චීන කොමියුනිස්ට් පක්ෂයේ 20 වන මධ්‍යම කාරක සභාවේ සිව්වන පූර්ණ සැසිය පැවැත්වීමට නියමිත බවයි.
එහිදී ‘15 වන පස් අවුරුදු’සැලසුම් සම්පාදනය පිළිබඳ සාකච්ඡා සිදු කිරීමට නියමිතයි.
