මස්කෙළිය, ගවරවිල වතුයායේ වතු කම්කරුවන් අට දෙනෙකු යළිත් තමන්ට වතුයායේ සේවය ලබාදෙන ලෙස වතු පාලන අධිකාරියට බලපෑම් කරමින් එම වතුයායේ කෝවිල ඉදිරිපිට අද(05) දින සත්යග්රහයක් ආරම්භ කර තිබෙනවා.
වතු පාලන අධිකාරිය මගින් 2025 දෙසැම්බර් මස 24 දින තම වතුයායට පිටතින් වතු කම්කරුවන් පිරිසක් රැගෙනවිත් තේ දළු නෙළීමට උත්සාහ කිරීමේදී එයට විරුද්ධ වූ නිසා වතු පාලන අධිකාරිය මගින් එදින සිට මේ වනතෙක් තමන්ට වත්තේ වැඩ කිරීමට අවස්ථාව ලබානොදීම නිසා තමන් ආර්ථික වශයෙන් ගැටලු රැසකට මැදි වී සිටින බවත්, යළිත් තමන්ව සේවයට පිහිටුවන ලෙස බල කරමින් තමන් මෙම සත්යග්රහය ආරම්භ කළ බවයි සත්යග්රහයේ නියැලී සිටින අගතියට පත් වතු කම්කරුවෙකු කියා සිටියේ.
වතු කම්කරුවන් 8 දෙනෙකු විසින් ආරම්භ කර ඇති සත්යග්රහයට සහයෝගය දක්වා එම වතු යායේ වතු කම්කරුවන් 300 දෙනෙක් පමණ වෘත්තීය සමිති භේදයකින් තොරව වැඩවර්ජනයක් ආරම්භ කර වතු කම්කරුවන් පිරිසක් සත්යග්රහය පවත්වන ස්ථානයට පැමිණ සහයෝගය දක්වනු ලබනවා.
එම වතු කම්කරුවන් 8 දෙනා සම්බන්ධයෙන් වතු සමාගම් විසින් සිද්ධිය සම්බන්ධයෙන් විනය පරීක්ෂණයක් ආරම්භ කර ඉන් වතු කම්කරුවන් හය දෙනෙකුට යළිත් සේවයට වාර්තා කරන ලෙස වාචිකව දැනුම්දී ඇති බවත් වැඩ තහනමට ලක්වූ සෙසු වතු කම්කරුවන් දෙදෙනාගේ විනය පරීක්ෂණය තවමත් අවසන් වී නොමැති බවයි.
