කොළඹ කොටුව අවට වෘත්තීය සමිති කිහිපයක් එක්ව සිදු කරන විරෝධතාවයට විශාල පිරිසක් එක්ව සිටි බව අප වාර්තාකරු පවසනවා.
මේ හේතුවෙන් දැඩි රථවාහන තදබදයක් ද ඇති වී ඇති බව සඳහන්.
මේ අතර එම ප්රදේශයේ ආරක්ෂාව තර කිරීමට සඳහා හමුදා කණ්ඩායම් කිහිපයක් ද යොදවා ඇති බවයි වාර්තා වන්නේ.
නව බදුවලට විරෝධය පළ කරමින් රජයේ රෝහල්වල වෛද්යවරුන් අද උදෑසන සිට වැඩ වර්ජනයක් ද ආරම්භ කරනු ලැබුවා.
මේ හේතුවෙන් සායනික සහ බාහිර රෝගී අංශවල කටයුතු ද අඩාල වී ඇති බවයි අප වාර්තාකරුවන් පැවසුවේ.
මේ අතර රජයේ වෛද්ය නිලධාරීන්ගේ සංගමය ප්රකාශ කළේ පෞද්ගලික රෝහල්වල ද පැය 24ක කාලයක් මෙම වර්ජනය ක්රියාත්මක වන බවයි.
කෙසේ වෙතත් ළමා, මාතෘ, පිළිකා ඇතු`ඵ රෝහල් කිහිපයක මෙම වැඩවර්ජනය ක්රියාත්මක නොකරන බවයි වාර්තා වන්නේ.
නව බදුවලට විරෝධය පළ කරමින් සිදු කරන ලද මෙම විරෝධතාවය සඳහා වෘත්තීය සමිති රැසක් එක්ව සිටිනවා.
ඒ විදුලි, වරාය, ඛණිජ තෙල්, බැංකු, විශ්ව විද්යාල ආචාර්්යවරු ඇතු`ඵ වෘත්තීය සමිති 40කට අධික සංඛ්යාවක්.
මේ අතර නව බදු පනතට විරෝධය පළකරමින් හැටන් නගරය තුළ ද අද විරෝධතාවක් පැවැත් වුණා.
හැටන් ප්රදේශයේ රාජ්ය ආයතන කිහිපයක වෘත්තිකයින් පිරිසක් ඊට එක්ව සිටියා.
එමෙන්ම වෘත්තීය සමිතිවල ප්රධාන විරෝධතා රැළිය කොළඹ හයිඩ් පිටියේදී පැවැත්වෙනවා.
මේ එහිදි අදහස් දැක්වූ වෘත්තීය සමිති සාමාජිකයින්.
