ශ්රී ලංකා ක්රිකට් සංවිධානය කරන මජර් ක්ලබ් කාන්තා සීමිත පන්දුවාර එක්දින ක්රිකට් තරගාවලියේ කෝල්ට්ස් සී සී සහ පානදුර එස් සී කණ්ඩායම් අතර තරගය ඊයේ පැවැත්වුනා. එහිදී නිලක්ෂිකා සිල්වා ශතකයක් වාර්තා කිරීමටයි සමත් වුනේ. මෙය මෙවර තරගාවලියට එක් වූ මංගල ශතකය මෙය වන අතර මෙම තරගයෙන් පානදුර එස් සී කණ්ඩායම ලකුණු 140ක ජයග්රහණයක් ලබා ගන්නවා. තරගාවලියේ පළමු වටයේ තරග අගෝස්තු මස 24 වැනිදා දක්වා පැවැත්වීමට නියමිතයි. අගෝස්තු මස 28 වැනිදා තරගාවලියේ අවසන් පූර්ව වටයේ තරග පැවැත්වෙන අතර ඒ සඳහා පළමු වටයේ ප්රසාද ලකුණු මත එක් එක් කාණ්ඩයෙන් ඉදිරියෙන් ම සිටින කණ්ඩායම් ද්විත්වය එක් කර ගනු ලැබෙනවා. තරගාවලියේ අවසන් මහා තරගය සැප්තැම්බර් මස 1 වැනිදා පැවැත්වීමටයි සැලසුම් කර ඇත්තේ.
